Gera ráð fyrir 250 milljóna króna hagnaði hjá Vodafone

IFS greining gerir ráð fyrir að hagnaður Vodafone á Íslandi sé 250 milljónir króna á öðrum fjórðungi eftir skatta og að EBITDA verði 800 milljónir króna. Velta félagsins sé 3,3 milljarðar króna. Þetta kemur fram í afkomuspá sem IFS birti á föstudaginn.

Fyrir árið er spá IFS nú um 13,5 milljarða króna velta, 3,2 milljarða króna EBITDA og um 960 milljóna króna nettóhagnaður. Skipt var um forstjóra á öðrum fjórðungi, þegar Stefán Sigurðsson tók við af Ómar Svavarssyni, og félagið hefur nú fengið alþjóðlega ISO vottun um upplýsingaöryggi.

Uppgjör Vodafone verður birt á miðvikudaginn.