Fjármál í fótbolta

Stefán Pálsson sagnfræðingur og Björn Berg Gunnarsson, deildarstjóri hjá VÍB, voru framsögumenn á fundi um fjármál í fótbolta í Norðurljósasal Hörpu í gær.

Stefán ræddi um eignarhald knattspyrnuliða, veðmálasvindl og spillingu í knattspyrnuheiminum en Björn ræddi um tekjuskiptingu helstu liða í Evrópu, þóknanir umboðsmanna, launagreiðslur, skattamál og fleira sem hefur æ meiri áhrif á knattspyrnuheiminn.

Fram kom meðal annars að hagnaður FIFA, alþjóða knattspyrnusambandsins, af síðasta heimsmeistaramóti nam 266 milljörðum króna. Fyrir það hefði mátt staðgreiða tvo þriðju af íslenska hlutabréfamarkaðnum.

Þá fær neðsta lið ensku úrvalsdeildarinnar um tvöfalt hærri tekjur af sjónvarpsrétti  sinnar deildar en Evrópumeistarar Bayern Munchen og ensk úrvalsdeildarlið greiddu umboðsmönnum 97 milljónir punda á síðasta ári. Fyrir upphæðina sem Stoke city greiddi hefði mátt reisa stúku í tómu horni Brittania Stadium samkvæmt framsögumönnum.

Fjármál í fótbolta from Íslandsbanki on Vimeo.