Segir ekki koma til greina að leysa HS Orku undan samningnum Haraldur Guðmundsson skrifar 27. ágúst 2014 07:00 Ragnar Guðmundsson tók við sem forstjóri Norðuráls í ágúst 2007 en hann hefur starfað hjá fyrirtækinu frá 1997. Fréttablaðið/GVA Vísir/GVA Ragnar Guðmundsson, forstjóri Norðuráls, segir stjórnendur fyrirtækisins og móðurfélags þess, Century Aluminum, ákveðna í að reisa allt að 360 þúsund tonna álver í Helguvík. Þeir hafa stefnt að byggingu álversins frá árinu 2005 en nú níu árum síðar er enn ekki ljóst hvaðan raforkan, sem á að knýja framleiðslu þess, á að koma. „Við höfum fullan hug á að klára Helguvíkurverkefnið. Það er ljóst enda sjáum við mikil tækifæri í áliðnaði. Þetta strandar á raforkuafhendingunni og á meðan svo er getum við auðvitað ekki farið lengra nema aðrir orkusalar komi að verkefninu,“ segir Ragnar. Verkefnið hefur þegar kostað um 17 milljarða króna. Fyrirtækið býr sig nú undir að taka til varna í gerðardómsferli þar sem HS Orka hefur aftur óskað eftir því að losna undan samningi um orkusölu til álversins.Segir samninginn standa Norðurál samdi um kaup á raforku fyrir álverið við HS Orku og Orkuveitu Reykjavíkur, nú Orku náttúrunnar, árið 2007. „Ástæðan fyrir því að álverinu var valinn staður í Helguvík er að sveitarfélögin á svæðinu buðu orku frá HS í verkefnið. Það kemur því ekki til greina að ætla að leyfa HS Orku að labba frá samningnum,“ segir Ragnar. „HS Orka hefur ekki enn staðfest neina orkuafhendingu í þetta verkefni en nýir eigendur HS vildu losna undan skuldbindingum samningsins árið 2010,“ segir Ragnar og rifjar upp þegar orkufyrirtækið fór áður með samninginn fyrir gerðardóm. Úrskurður í því máli lá fyrir í desember 2011. „Niðurstaðan þá var sú að fyrirtækið átti að standa við samninginn. Síðan hefur lítið gerst annað en að þeir sendu málið aftur í gerðardóm núna í júlí,“ segir Ragnar. Hann segist að öðru leyti lítið geta tjáð sig um málið. Hins vegar er ljóst, samkvæmt hálfsársuppgjöri HS Orku, að orkufyrirtækið telur ákvæði samningsins frá 2007 ekki hafa verið uppfyllt og að hann sé því ekki lengur í gildi.Ekki í viðræðum við Landsvirkjun Ragnar segir Norðurál ekki eiga í neinum viðræðum við Landsvirkjun um mögulega orkusölu til Helguvíkur. „Það liggur í raun ekkert fyrir um það að neitt annað orkufyrirtæki geti tekið við þessu hlutverki,“ segir Ragnar og heldur áfram: „Þau verðmæti sem hafa orðið til hjá Landsvirkjun sýna best að þessi samvinna álfyrirtækja og orkuiðnaðarins hefur skilað gríðarlega miklum og góðum árangri.“ Að sögn Ragnars eru nú þrjú ár síðan Orkuveita Reykjavíkur hóf að afhenda um 50 megavött af þeirri raforku sem samið var um árið 2007. Orkan hefur verið notuð í álverinu á Grundartanga þar sem fyrirtækið hefur farið í umtalsverða fjárfestingu til að auka framleiðslugetuna úr 260 þúsund tonnum á ári í 293 þúsund tonn. „Við erum að nýta raforkuna á Grundartanga og það hefur verið ágætt samstarf við orkufyrirtækið um það,“ segir Ragnar. Hann segir að Orkuveitan þurfi að reisa nýjar virkjanir svo fyrirtækið geti staðið við samninginn. Fyrirhuguð virkjun í Hverahlíð í Ölfusi hefur oft verið nefnd í því samhengi.Verður byggt í fjórum áföngum Álverið í Helguvík á eins og áður segir að framleiða allt að 360 þúsund tonn á ári. Það verður hins vegar byggt í fjórum 90 þúsund tonna áföngum. Kerskálabyggingar sem búið er að reisa á svæðinu miðast við 90 þúsund tonna álver. „Hver áfangi yrði þá 150 megavött og við höfum horft til þess að tryggja raforku í tvo áfanga til að ná ákveðinni hagkvæmni,“ segir Ragnar. Hann segir að álframleiðsla í Helguvík eigi að geta hafist um tveimur og hálfu ári eftir að framkvæmdir hefjast. „Auðvitað geta einstaka þættir tekið lengri tíma en álverið á Grundartanga reis til dæmis á fjórtán mánuðum. Það er hægt að vinna þetta hratt,“ segir Ragnar en tekur fram að Grundartangi hafi státað af tengimannvirkjum og öðrum nauðsynlegum innviðum áður en álverið var byggt þar. „Hins vegar er búið að leggja gríðarlega mikla vinnu í höfnina í Helguvík og þetta er mjög góð staðsetning. Þá hefur atvinnuleysi verið hæst á Reykjanesi og álver væri því góð viðbót við flóru fyrirtækja.“Staðsetningin veitir nú forskot Norðurál hefur komið með yfir milljarð króna inn í landið á þessu ári í gegnum fjárfestingarleið Seðlabankans. Þeim fjármunum var varið í framleiðsluaukninguna á Grundartanga en verkefnið hefur þegar kostað á annan tug milljarða króna. „Það er eðli álvera að þau eru byggð fyrir ákveðna grunnafkastagetu og síðan er reynt að gera meira og betur. Þá er hægt að auka strauminn en þetta er viðkvæmt ferli því það má ekki ganga of langt því þá getur maður misst tökin á þessu.“ Fyrirtækið hefur síðastliðin sextán ár framleitt svokallaða álhleifa til útflutnings. Nú er stefnt að því að fjölga framleiðsluvörunum. „Það eru ákveðin tækifæri í því sem er að gerast varðandi framboð á áli í Evrópu. Þar hefur gömlum álverum verið lokað og ný hafa ekki verið byggð. Þetta ásamt stöðugt vaxandi eftirspurn á svæðinu skapar tækifæri fyrir íslensk álfyrirtæki.“ Hann nefnir sem dæmi að þeir álkaupendur í Evrópu, sem áður versluðu við álverin sem nú er búið að loka, geti í staðinn keypt ál frá Íslandi og þannig sparað sér flutningskostnað og tíma. „Skilvirkir og góðir sjóflutningar héðan frá Íslandi gefa ákveðið samkeppnisforskot. Í Rússlandi er álið til dæmis flutt á milli heimsálfa með lestum. Staðsetningin sem áður var hindrun er því farin að veita ákveðið forskot og skapa ný tækifæri. Við blasir einnig aukin eftirspurn eftir áli og verð hefur farið hækkandi. “ Tengdar fréttir Hagnaður álversins á Grundartanga um 3,2 milljarðar Hagnaður af rekstri álversins á Grundartanga nam 27,6 milljónum Bandaríkjadala á síðasta ári, jafnvirði 3,2 milljarða króna. Árið 2012 skilaði reksturinn jákvæðri afkomu upp á 46,6 milljónir dala og dróst hagnaðurinn því saman um 41 prósent milli ára. 27. ágúst 2014 07:00 Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Bein útsending: Ársfundur SFS – Best í heimi? Viðskipti innlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Ragnar Guðmundsson, forstjóri Norðuráls, segir stjórnendur fyrirtækisins og móðurfélags þess, Century Aluminum, ákveðna í að reisa allt að 360 þúsund tonna álver í Helguvík. Þeir hafa stefnt að byggingu álversins frá árinu 2005 en nú níu árum síðar er enn ekki ljóst hvaðan raforkan, sem á að knýja framleiðslu þess, á að koma. „Við höfum fullan hug á að klára Helguvíkurverkefnið. Það er ljóst enda sjáum við mikil tækifæri í áliðnaði. Þetta strandar á raforkuafhendingunni og á meðan svo er getum við auðvitað ekki farið lengra nema aðrir orkusalar komi að verkefninu,“ segir Ragnar. Verkefnið hefur þegar kostað um 17 milljarða króna. Fyrirtækið býr sig nú undir að taka til varna í gerðardómsferli þar sem HS Orka hefur aftur óskað eftir því að losna undan samningi um orkusölu til álversins.Segir samninginn standa Norðurál samdi um kaup á raforku fyrir álverið við HS Orku og Orkuveitu Reykjavíkur, nú Orku náttúrunnar, árið 2007. „Ástæðan fyrir því að álverinu var valinn staður í Helguvík er að sveitarfélögin á svæðinu buðu orku frá HS í verkefnið. Það kemur því ekki til greina að ætla að leyfa HS Orku að labba frá samningnum,“ segir Ragnar. „HS Orka hefur ekki enn staðfest neina orkuafhendingu í þetta verkefni en nýir eigendur HS vildu losna undan skuldbindingum samningsins árið 2010,“ segir Ragnar og rifjar upp þegar orkufyrirtækið fór áður með samninginn fyrir gerðardóm. Úrskurður í því máli lá fyrir í desember 2011. „Niðurstaðan þá var sú að fyrirtækið átti að standa við samninginn. Síðan hefur lítið gerst annað en að þeir sendu málið aftur í gerðardóm núna í júlí,“ segir Ragnar. Hann segist að öðru leyti lítið geta tjáð sig um málið. Hins vegar er ljóst, samkvæmt hálfsársuppgjöri HS Orku, að orkufyrirtækið telur ákvæði samningsins frá 2007 ekki hafa verið uppfyllt og að hann sé því ekki lengur í gildi.Ekki í viðræðum við Landsvirkjun Ragnar segir Norðurál ekki eiga í neinum viðræðum við Landsvirkjun um mögulega orkusölu til Helguvíkur. „Það liggur í raun ekkert fyrir um það að neitt annað orkufyrirtæki geti tekið við þessu hlutverki,“ segir Ragnar og heldur áfram: „Þau verðmæti sem hafa orðið til hjá Landsvirkjun sýna best að þessi samvinna álfyrirtækja og orkuiðnaðarins hefur skilað gríðarlega miklum og góðum árangri.“ Að sögn Ragnars eru nú þrjú ár síðan Orkuveita Reykjavíkur hóf að afhenda um 50 megavött af þeirri raforku sem samið var um árið 2007. Orkan hefur verið notuð í álverinu á Grundartanga þar sem fyrirtækið hefur farið í umtalsverða fjárfestingu til að auka framleiðslugetuna úr 260 þúsund tonnum á ári í 293 þúsund tonn. „Við erum að nýta raforkuna á Grundartanga og það hefur verið ágætt samstarf við orkufyrirtækið um það,“ segir Ragnar. Hann segir að Orkuveitan þurfi að reisa nýjar virkjanir svo fyrirtækið geti staðið við samninginn. Fyrirhuguð virkjun í Hverahlíð í Ölfusi hefur oft verið nefnd í því samhengi.Verður byggt í fjórum áföngum Álverið í Helguvík á eins og áður segir að framleiða allt að 360 þúsund tonn á ári. Það verður hins vegar byggt í fjórum 90 þúsund tonna áföngum. Kerskálabyggingar sem búið er að reisa á svæðinu miðast við 90 þúsund tonna álver. „Hver áfangi yrði þá 150 megavött og við höfum horft til þess að tryggja raforku í tvo áfanga til að ná ákveðinni hagkvæmni,“ segir Ragnar. Hann segir að álframleiðsla í Helguvík eigi að geta hafist um tveimur og hálfu ári eftir að framkvæmdir hefjast. „Auðvitað geta einstaka þættir tekið lengri tíma en álverið á Grundartanga reis til dæmis á fjórtán mánuðum. Það er hægt að vinna þetta hratt,“ segir Ragnar en tekur fram að Grundartangi hafi státað af tengimannvirkjum og öðrum nauðsynlegum innviðum áður en álverið var byggt þar. „Hins vegar er búið að leggja gríðarlega mikla vinnu í höfnina í Helguvík og þetta er mjög góð staðsetning. Þá hefur atvinnuleysi verið hæst á Reykjanesi og álver væri því góð viðbót við flóru fyrirtækja.“Staðsetningin veitir nú forskot Norðurál hefur komið með yfir milljarð króna inn í landið á þessu ári í gegnum fjárfestingarleið Seðlabankans. Þeim fjármunum var varið í framleiðsluaukninguna á Grundartanga en verkefnið hefur þegar kostað á annan tug milljarða króna. „Það er eðli álvera að þau eru byggð fyrir ákveðna grunnafkastagetu og síðan er reynt að gera meira og betur. Þá er hægt að auka strauminn en þetta er viðkvæmt ferli því það má ekki ganga of langt því þá getur maður misst tökin á þessu.“ Fyrirtækið hefur síðastliðin sextán ár framleitt svokallaða álhleifa til útflutnings. Nú er stefnt að því að fjölga framleiðsluvörunum. „Það eru ákveðin tækifæri í því sem er að gerast varðandi framboð á áli í Evrópu. Þar hefur gömlum álverum verið lokað og ný hafa ekki verið byggð. Þetta ásamt stöðugt vaxandi eftirspurn á svæðinu skapar tækifæri fyrir íslensk álfyrirtæki.“ Hann nefnir sem dæmi að þeir álkaupendur í Evrópu, sem áður versluðu við álverin sem nú er búið að loka, geti í staðinn keypt ál frá Íslandi og þannig sparað sér flutningskostnað og tíma. „Skilvirkir og góðir sjóflutningar héðan frá Íslandi gefa ákveðið samkeppnisforskot. Í Rússlandi er álið til dæmis flutt á milli heimsálfa með lestum. Staðsetningin sem áður var hindrun er því farin að veita ákveðið forskot og skapa ný tækifæri. Við blasir einnig aukin eftirspurn eftir áli og verð hefur farið hækkandi. “
Tengdar fréttir Hagnaður álversins á Grundartanga um 3,2 milljarðar Hagnaður af rekstri álversins á Grundartanga nam 27,6 milljónum Bandaríkjadala á síðasta ári, jafnvirði 3,2 milljarða króna. Árið 2012 skilaði reksturinn jákvæðri afkomu upp á 46,6 milljónir dala og dróst hagnaðurinn því saman um 41 prósent milli ára. 27. ágúst 2014 07:00 Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Bein útsending: Ársfundur SFS – Best í heimi? Viðskipti innlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Hagnaður álversins á Grundartanga um 3,2 milljarðar Hagnaður af rekstri álversins á Grundartanga nam 27,6 milljónum Bandaríkjadala á síðasta ári, jafnvirði 3,2 milljarða króna. Árið 2012 skilaði reksturinn jákvæðri afkomu upp á 46,6 milljónir dala og dróst hagnaðurinn því saman um 41 prósent milli ára. 27. ágúst 2014 07:00