Vísitala byggingarkostnaðar lækkar smávægilega

Vísitala byggingarkostnaðar lækkar um 0,1 prósent milli desember og janúar.

Á síðustu tólf mánuðum hefur vísitala byggingarkostnaðar hækkað um 2,5 prósent, , sem er 0,3 prósentustiga lækkun milli mánaða. Í desember var 12 mánaða vísitala 2,8 prósent.

Vísitalan er reiknuð um miðjan mánuðinn og var nú 118,9 stig, að því er fram kemur í nýbirtum tölum Hagstofu Íslands.

„Verð á innlendu efni hækkaði um 0,4 prósent (áhrif á vísitölu 0,1 prósent) en verð á innfluttu efni lækkaði um 0,9 prósent (-0,2 prósent),“ segir á vef Hagstofunnar.