Spá 0,4% lækkun vísitölu neysluverðs

Hagstofa Íslands birtir janúarmælingu vísitölu neysluverðs fimmtudaginn 30. janúar.

Hagfræðideild Landsbankans spáir því að vísitalan lækki um 0,4% milli mánaða. Gangi spáin eftir mun ársverðbólgan lækka um 0,7 prósentustig, úr 4,2% í 3,5%.

Janúarútsölur og lækkandi eldsneytisverð höfðu mest áhrif til lækkunar verðlags í janúar og húsnæðisliðurinn til hækkunar.

Þróun næstu mánaða mun ráðast að miklu leyti af fyrirliggjandi kjarasamningum.

Verði samningarnir samþykktir í núverandi mynd munu þeir hafa hagstæð áhrif á verðbólguþróunina á komandi mánuðum.