Lyfjaverð hagstætt á Íslandi

Lyfjagreiðslunefnd hefur nú birt verðsamanburð á 36 veltumestu lyfjum á Norðurlöndum og er samanburðurinn gerður miðað við stöðuna eins og hún var í febrúar síðastliðnum.

Þessi samanburður leiðir í ljós að verð á lyfjum hér á landi er hagstætt en aðeins í þremur tilfellum er verð hæst hér á landi. 

Þetta kemur fram í fréttatilkynningu frá Samtökum verslunar og þjónustu.

Aðeins Noregur kemur betur út í þessum að þessu leyti. Hin löndin standa hins vegar langt að baki okkur en í 15 tilfellum er verðið hæst í Danmörku, 10 sinnum í Svíþjóð og 7 sinnum í Finnlandi.