Veitingamaðurinn á Caruso læstur úti af húseigandanum Fanney Birna Jónsdóttir skrifar 17. desember 2014 07:00 José Garcia kemst ekki inn á sinn eigin veitingastað. vísir/GVA „Þeir koma bara og banka á hurðirnar klukkan sjö, hálf átta í morgun. Kona sem var að þrífa hleypti þeim inn og þá skiptu þeir um lása og eru bara búnir að yfirtaka húsið,“ segir José Garcia, eigandi veitingastaðarins Caruso. José hefur verið í deilum við eiganda húsnæðisins, en veitingastaðurinn stendur á horni Bankastrætis og Þingholtsstrætis og þar hefur José rekið Caruso síðustu fimmtán árin. Leigusamningur José rann út núna á mánudaginn 15. desember. Áður hafði viðræður um áframhaldandi leigu rekið í strand, en José vildi nýta sér forleiguréttarákvæði samningsins. Það hafði ekki gengið og rekur eigandi hússins nú útburðarmál fyrir dómi og er fyrirtaka í því máli fyrirhuguð í dag. José og lögmaður hans segja að sáttaviðræður standi yfir og hafi þeir til að mynda boðið fram þá málamiðlun að skila húsinu í lok febrúar og falla þá frá forleigurétti.Húseigandinn reisti vegg í starfsmannaporti til að varna þeim inngöngu í húsið.vísir/GVAÍ gærmorgun mættu hins vegar fjórir menn á vegum eigendanna og tóku staðinn yfir. Þeir skiptu um lása þannig að José og annað starfsfólk staðarins komst ekki inn. Þá reistu þeir vegg í baksundi hússins þar sem starfsmannainngangur að staðnum er til að varna þeim inngöngu. Caruso var lokaður í allan gærdag. „Þetta er skelfilegt. Það er allt inni í húsinu. Uppgjörið frá því á mánudag, tölvur, allt hráefni, persónulegar eigur starfsmanna, bara allt. Ég veit ekkert hvað ég á að gera,“ segir José og bætir því við að borðapantanabókin sé einnig föst inni á staðnum. „Við erum með rosalega mikið bókað fram að jólum og ég get ekki einu sinni hringt í fólk og látið það vita af ástandinu,“ segir José niðurdreginn, hann hafi viljað fá frest til að geta sagt starfsfólki sínu upp og veita því sinn uppsagnarfrest.Steinbergur Finnbogason, lögmaður húseigendanna.Steinbergur Finnbogason, lögmaður húseigendanna, Jóns Ragnarssonar, fyrrverandi rekstraraðila Hótels Valhallar og Hótels Arkar, og sonar hans, Valdimars Jónssonar, segir þá í fullum rétti. „Leigusamningi um þennan veitingastað lauk 15. desember. Húseigandi mætti á staðinn, hitti þarna starfsfólk og tók við húsnæðinu.“ Steinbergur segir að José og lögmaður hans hafi í gær fengið tölvupóst þar sem óskað var eftir því að José gerði grein fyrir því hverjar „meintar eignir“ hans væru í húsnæðinu og þær yrðu síðan afhentar honum. Dómsmálið um útburð José var rekið fyrir hönd eigendanna af öðrum lögmanni en Steinbergi, sá sagði sig frá málinu í gær eftir að atvikið kom upp. Steinbergur mun því reka málið fyrir þá feðga héðan í frá. Ómar Örn Bjarnþórsson, lögmaður José, hefur lagt fram kæru fyrir hans hönd á hendur eigendunum. „Umbjóðandi minn hefur alla tíð staðið við sínar skuldbindingar samkvæmt leigusamningi. Leigusali hefur þrátt fyrir það ítrekað reynt að bola honum út og höfðaði dómsmál til að freista þess að fá það í gegn en tapaði því bæði fyrir héraðsdómi og Hæstarétti. Hann höfðaði svo annað mál sem nú er til meðferðar fyrir dómi. Svo fékk ég fregnir af því í morgun að leigusali hefði mætt með her manna, ruðst inn í húsið og sitji þar um eignir José og starfsfólks staðarins án nokkurrar heimildar. Það var því ekki um annað að ræða en að kæra þetta til lögreglu.“Auður Björg Jónsdóttir, sérfræðingur í leigurétti.Refsisvert að fara óboðinn í leiguhúsnæði „Jafnvel þótt leigusamningur renni sitt skeið á enda eða leigusamningi sé rift af hálfu leigusala heldur leigjandi almennt umráðum hins leigða þar til hann skilar eigninni af sér eða leigusala eru fengin umráð eignarinnar með atbeina sýslumanns,“ segir Auður Björg Jónsdóttir, lögmaður og kennari í leigurétti við Háskóla Íslands. Auður segir leigusala ekki geta tekið lögin í sínar hendur og borið leigjanda sjálfur út heldur verði hann að fara þær leiðir sem löggjöf okkar býður upp á, það er að höfða útburðarmál eða viðurkenningarmál fyrir héraðsdómi og krefjast útburðar hjá sýslumanni í framhaldinu. „Fari leigusali óboðinn inn í hið leigða húsnæði á meðan það er í umráðum leigjanda getur hann talist hafa gerst sekur um refsivert athæfi, til dæmis húsbrot. Þetta er svipað og ef ég myndi fara heim til þín og læsa þig úti,“ segir Auður. Mest lesið Skipstjórinn og tveir stýrimenn handteknir vegna sjóslyssins Innlent Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Bein útsending: Kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Óvinnufær eftir harkalegt fall þegar strappur slitnaði Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Fleiri fréttir Ljóst að eitthvert forsetaefni segi ekki satt um tröllin „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Sjá meira
„Þeir koma bara og banka á hurðirnar klukkan sjö, hálf átta í morgun. Kona sem var að þrífa hleypti þeim inn og þá skiptu þeir um lása og eru bara búnir að yfirtaka húsið,“ segir José Garcia, eigandi veitingastaðarins Caruso. José hefur verið í deilum við eiganda húsnæðisins, en veitingastaðurinn stendur á horni Bankastrætis og Þingholtsstrætis og þar hefur José rekið Caruso síðustu fimmtán árin. Leigusamningur José rann út núna á mánudaginn 15. desember. Áður hafði viðræður um áframhaldandi leigu rekið í strand, en José vildi nýta sér forleiguréttarákvæði samningsins. Það hafði ekki gengið og rekur eigandi hússins nú útburðarmál fyrir dómi og er fyrirtaka í því máli fyrirhuguð í dag. José og lögmaður hans segja að sáttaviðræður standi yfir og hafi þeir til að mynda boðið fram þá málamiðlun að skila húsinu í lok febrúar og falla þá frá forleigurétti.Húseigandinn reisti vegg í starfsmannaporti til að varna þeim inngöngu í húsið.vísir/GVAÍ gærmorgun mættu hins vegar fjórir menn á vegum eigendanna og tóku staðinn yfir. Þeir skiptu um lása þannig að José og annað starfsfólk staðarins komst ekki inn. Þá reistu þeir vegg í baksundi hússins þar sem starfsmannainngangur að staðnum er til að varna þeim inngöngu. Caruso var lokaður í allan gærdag. „Þetta er skelfilegt. Það er allt inni í húsinu. Uppgjörið frá því á mánudag, tölvur, allt hráefni, persónulegar eigur starfsmanna, bara allt. Ég veit ekkert hvað ég á að gera,“ segir José og bætir því við að borðapantanabókin sé einnig föst inni á staðnum. „Við erum með rosalega mikið bókað fram að jólum og ég get ekki einu sinni hringt í fólk og látið það vita af ástandinu,“ segir José niðurdreginn, hann hafi viljað fá frest til að geta sagt starfsfólki sínu upp og veita því sinn uppsagnarfrest.Steinbergur Finnbogason, lögmaður húseigendanna.Steinbergur Finnbogason, lögmaður húseigendanna, Jóns Ragnarssonar, fyrrverandi rekstraraðila Hótels Valhallar og Hótels Arkar, og sonar hans, Valdimars Jónssonar, segir þá í fullum rétti. „Leigusamningi um þennan veitingastað lauk 15. desember. Húseigandi mætti á staðinn, hitti þarna starfsfólk og tók við húsnæðinu.“ Steinbergur segir að José og lögmaður hans hafi í gær fengið tölvupóst þar sem óskað var eftir því að José gerði grein fyrir því hverjar „meintar eignir“ hans væru í húsnæðinu og þær yrðu síðan afhentar honum. Dómsmálið um útburð José var rekið fyrir hönd eigendanna af öðrum lögmanni en Steinbergi, sá sagði sig frá málinu í gær eftir að atvikið kom upp. Steinbergur mun því reka málið fyrir þá feðga héðan í frá. Ómar Örn Bjarnþórsson, lögmaður José, hefur lagt fram kæru fyrir hans hönd á hendur eigendunum. „Umbjóðandi minn hefur alla tíð staðið við sínar skuldbindingar samkvæmt leigusamningi. Leigusali hefur þrátt fyrir það ítrekað reynt að bola honum út og höfðaði dómsmál til að freista þess að fá það í gegn en tapaði því bæði fyrir héraðsdómi og Hæstarétti. Hann höfðaði svo annað mál sem nú er til meðferðar fyrir dómi. Svo fékk ég fregnir af því í morgun að leigusali hefði mætt með her manna, ruðst inn í húsið og sitji þar um eignir José og starfsfólks staðarins án nokkurrar heimildar. Það var því ekki um annað að ræða en að kæra þetta til lögreglu.“Auður Björg Jónsdóttir, sérfræðingur í leigurétti.Refsisvert að fara óboðinn í leiguhúsnæði „Jafnvel þótt leigusamningur renni sitt skeið á enda eða leigusamningi sé rift af hálfu leigusala heldur leigjandi almennt umráðum hins leigða þar til hann skilar eigninni af sér eða leigusala eru fengin umráð eignarinnar með atbeina sýslumanns,“ segir Auður Björg Jónsdóttir, lögmaður og kennari í leigurétti við Háskóla Íslands. Auður segir leigusala ekki geta tekið lögin í sínar hendur og borið leigjanda sjálfur út heldur verði hann að fara þær leiðir sem löggjöf okkar býður upp á, það er að höfða útburðarmál eða viðurkenningarmál fyrir héraðsdómi og krefjast útburðar hjá sýslumanni í framhaldinu. „Fari leigusali óboðinn inn í hið leigða húsnæði á meðan það er í umráðum leigjanda getur hann talist hafa gerst sekur um refsivert athæfi, til dæmis húsbrot. Þetta er svipað og ef ég myndi fara heim til þín og læsa þig úti,“ segir Auður.
Mest lesið Skipstjórinn og tveir stýrimenn handteknir vegna sjóslyssins Innlent Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Bein útsending: Kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Óvinnufær eftir harkalegt fall þegar strappur slitnaði Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Fleiri fréttir Ljóst að eitthvert forsetaefni segi ekki satt um tröllin „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Sjá meira