Fyrst Youtube, síðan Pepsi, núna Samsung

„Þetta var reyndar ekkert massíft sko,“ segir tónlistarmaðurinn og multitaskerinn Þorsteinn Sindri Baldvinsson, eða Stony, en lagið hans Feel Good var spilað á einni vinsælustu útvarpsstöðinni í Ástralíu B105.

Stony varð fyrst þekktur þegar myndbönd hans á youtube vöktu athygli hjá Pepsi, se varð til þess að hann lék í auglýsingu fyrir þá.

Hann segir aðdragandann að því að lagið var spilað þar frekar langsóttann. „G20 fundurinn [árlegur fundur helstu iðnríkja heims] er haldinn í Brisbane í Ástralíu þetta árið og B105 voru að sjá um umfjöllun um hann. Einhverra hluta vegna voru þau að kynna sér löndin sem taka ekki þátt í ár, en Ísland er ekki með. Þau vildu kynna sér tónlistarmenn og leikara frá löndunum og sendu mér email, spjölluðu eitthvað og spiluðu svo lagið,“ segir Stony, en lagið Feel Good er það fyrsta sem Stony gefur út.

„Mig langar bara að gera tónlist, og ég á pottþétt eftir að gera eitthvað meira. Aldrei að vita nema maður gefi út annarsstaðar en bara á youtube,“ segir hann. Síðan hann lék í auglýsingunni fyrir Pepsi hefur verið nóg að gera hjá honum.

„Ég var að klára frekar stórt verkefni fyrir Samsung, sem ég má samt ekki segja meira um eins og er. Svo var ég að klára tvö önnur stór verkefni úti sem ég get ekki sagt meira um að svo stöddu.“ Fyrir stuttu var hann beðinn um að taka þátt í ráðstefnu á vegum já.is um samfélagsmiðla, sem hét sko.

„Já það var nett flippað. Ég var beiðinn um að gera video um ferðina frá Youtube til Pepsi og tala um það. Nú er það video víst farið til Ástralíu þar sem Arnt Erikssen, norskur frumkvöðull, ætlar að nota það í fyrirlestra hjá sér,“ segir Stony.

Aðspurður hvort hann sé ekki að raka inn á því að vinna fyrir þessi stóru fyrirtæki segir hann að hann hafi það bara fínt. „Þetta er alveg nógu fínt fyrir 21 árs gaur á Akureyri.“