Matur

Draumakokteill fyrir helgina

Rabarbara-kokteillinn lítur vel út.
Rabarbara-kokteillinn lítur vel út. Mynd/Einkasafn

Rabarbara-kokteill

2 góðir bátar af lime
1 tsk. hrásykur
1 tsk. ferskur rabarbari
3 cl ljóst romm
6 cl rabarbarasíróp
8 myntulauf
Mulinn klaki
Toppað með sódavatni
Rabarbarasíróp
200 g sykur
100 g vatn
2 stilkar af nýjum rabarbara
Smá grenadine

Lime og hrásykur er marið saman og svo er rommi og sírópi bætt við ásamt myntulaufunum. Muldum klaka bætt við upp í hálft glas og hrært vel til að leysa upp hrásykurinn og vekja myntuna. Að lokum er sett sódavatn upp í topp á glasinu og smakkað til. Ef hann bragðast frábærlega þá má bæta aðeins meiri klaka út í ef það er pláss og skreyta með fallegri toppmyntu.

Rabarbarasíróp Sykur leystur upp í vatni og grenadine. Rabarbari hreinsaður og lagður í pott með sykrinum. Látið malla í góðan hálftíma. Sírópið er svo sigtað og kælt og rabarbarinn tekinn til hliðar til að bæta svo í kokteilinn.

Slippurinn. Mynd/Einkasafn

Kokteillinn kemur frá fjölskyldurekna veitingastaðnum í Vestmannaeyjum sem kallast Slippurinn. „Við köllum okkur íslenskt eldhús því við leggjum mikið upp úr að nota það besta sem íslenskt hráefni, villt og ræktað, hefur upp á að bjóða og nýtum okkur oft gamaldags vinnsluaðferðir á mat. Þetta má líka sjá á skemmtilega kokteilseðlinum okkar því það finnast varla íslenskari kokteilar, við notum blóðberg, hundasúrur, rabbabara, birki, hvönn, kerfil o.s.frv. Við erum með virkilega gott úrval af flöskubjór og oftast eru yfir 20 tegundir af íslenskum bjórum á seðlinum,“ segir Indíana Auðunsdóttir, framkvæmdastýra Slippsins í samtali við Vísi.

Eldhúsinu er stjórnað af hinum unga og metnaðarfulla Gísla Matthíasi Auðunssyni. Gísli Matthías útskrifaðist með hæstu einkunn frá Hótel- og matvælaskólaskólanum árið 2011 og hefur síðan þá sótt sér reynslu víða, m.a. í frönsku ölpunum og á stöðunum Skál, Aska, Luksus og Acme í New York.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.