Vindorkugarðurinn kostar þrjátíu og sex milljarða króna Svavar Hávarðsson skrifar 14. júlí 2014 12:00 Vindmyllur við Búrfell. Mynd/Landsvirkjun Gangi hugmyndir Landsvirkjunar eftir um vindorkugarð við Búrfell er líklegur kostnaður framkvæmdarinnar rúmlega 36 milljarðar króna. Landsvirkjun lagði fram tillögu að matsáætlun fyrir Búrfellslund, eins og vindorkugarðurinn er kallaður, á fimmtudag. Eins og kunnugt er áætlar fyrirtækið að reisa allt að 80 vindmyllur á 34 ferkílómetra svæði á Hafinu við Búrfell. Þar standa fyrir tvær vindmyllur sem reistar voru í tilraunaskyni og hafa sýnt að aðstæður fyrir vindorkugarð eru mjög hagstæðar í alþjóðlegum samanburði. Verði af framkvæmdum er hugmyndin að reisa stærri vindmyllur en standa þar nú, eða allt að þriggja til þriggja og hálfs MW vindmyllur. Eins og Fréttablaðið greindi frá í maí þá fer kostnaður við vindmyllur lækkandi og ef sannast að aðstæður séu jafn góðar hér eins og niðurstöðurnar af Hafinu benda til, og vindmyllur verði samkeppnisfærar við stærri virkjanir, þá getur það breytt áherslum Landsvirkjunar. Við fyrirspurn Fréttablaðsins til Landsvirkjunar um kostnað við verkefnið fékkst það svar að fyrirtækið ynni að kostnaðargreiningu og ótímabært væri að gefa upp kostnaðartölur. Samkvæmt heimildum Fréttablaðsins er kostnaðurinn þó mjög nálægt 36 milljörðum króna, þegar meðalkostnaður áþekkra framkvæmda í Evrópu er skoðaður á hvert megavatt sem framleitt verður. Efri mörk slíkra útreikninga eru um 40 milljarðar eða 350 milljónir dala. Við fyrstu sýn er orkuframleiðsla frá vindorkugarði mjög ódýr kostur, en hér ber til þess að líta að nýting er áætluð 40% við Búrfell öfugt við 100% nýtingu vatns- eða jarðvarmavirkjana. Nærtækt dæmi er nýjasta vatnsaflsvirkjun Landsvirkjunar, Búðarhálsvirkjun, en 40% nýting gæfi svipaðan afrakstur. Kostnaður við Búðarhálsvirkjun var um 26 milljarðar króna, svo vindorkuframleiðsla er, enn þá, dýrari kostur. Í tillögu að matsáætlun Landsvirkjunar er tekið á nokkrum umhverfisþáttum sem hafa verið ofarlega í umræðunni víða erlendis, t.d. mögulegum fugladauða. Í matsskýrslunni kemur fram að umfangsmiklar rannsóknir eru fyrirhugaðar. Megináhersla fuglarannsókna í tengslum við verkefnið verður kortlagning farfugla um svæðið frá vori og fram á haust. Á rannsóknatíma verður ratsjá keyrð til þess að fylgjast með umferðartíðni fugla á svæðinu en einnig er um að ræða beinar athuganir á vettvangi. Við kynningu og yfirlestur á drögum að tillögunni bárust athugasemdir og ábendingar frá stofnunum og einstaklingum. Ein veigamesta athugasemdin frá Landvernd lýtur að því hversu nálægt „anddyri“ friðlandsins að Fjallabaki vindorkugarðurinn er teiknaður. Landvernd telur að þetta muni hafa neikvæð áhrif á upplifun ferðamanna, ekki síst sem fyrsta upplifun þeirra af Fjallabaki. Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Hagnaður minnkar um 1,5 milljarða milli ára Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Tengiltvinnari fyrir taugatrekkta Samstarf Gengi Eimskips lækkar vegna bilunarinnar Viðskipti innlent Svona lögðu Kínverjar framtíðina undir sig Viðskipti erlent Fleiri fréttir Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Sjá meira
Gangi hugmyndir Landsvirkjunar eftir um vindorkugarð við Búrfell er líklegur kostnaður framkvæmdarinnar rúmlega 36 milljarðar króna. Landsvirkjun lagði fram tillögu að matsáætlun fyrir Búrfellslund, eins og vindorkugarðurinn er kallaður, á fimmtudag. Eins og kunnugt er áætlar fyrirtækið að reisa allt að 80 vindmyllur á 34 ferkílómetra svæði á Hafinu við Búrfell. Þar standa fyrir tvær vindmyllur sem reistar voru í tilraunaskyni og hafa sýnt að aðstæður fyrir vindorkugarð eru mjög hagstæðar í alþjóðlegum samanburði. Verði af framkvæmdum er hugmyndin að reisa stærri vindmyllur en standa þar nú, eða allt að þriggja til þriggja og hálfs MW vindmyllur. Eins og Fréttablaðið greindi frá í maí þá fer kostnaður við vindmyllur lækkandi og ef sannast að aðstæður séu jafn góðar hér eins og niðurstöðurnar af Hafinu benda til, og vindmyllur verði samkeppnisfærar við stærri virkjanir, þá getur það breytt áherslum Landsvirkjunar. Við fyrirspurn Fréttablaðsins til Landsvirkjunar um kostnað við verkefnið fékkst það svar að fyrirtækið ynni að kostnaðargreiningu og ótímabært væri að gefa upp kostnaðartölur. Samkvæmt heimildum Fréttablaðsins er kostnaðurinn þó mjög nálægt 36 milljörðum króna, þegar meðalkostnaður áþekkra framkvæmda í Evrópu er skoðaður á hvert megavatt sem framleitt verður. Efri mörk slíkra útreikninga eru um 40 milljarðar eða 350 milljónir dala. Við fyrstu sýn er orkuframleiðsla frá vindorkugarði mjög ódýr kostur, en hér ber til þess að líta að nýting er áætluð 40% við Búrfell öfugt við 100% nýtingu vatns- eða jarðvarmavirkjana. Nærtækt dæmi er nýjasta vatnsaflsvirkjun Landsvirkjunar, Búðarhálsvirkjun, en 40% nýting gæfi svipaðan afrakstur. Kostnaður við Búðarhálsvirkjun var um 26 milljarðar króna, svo vindorkuframleiðsla er, enn þá, dýrari kostur. Í tillögu að matsáætlun Landsvirkjunar er tekið á nokkrum umhverfisþáttum sem hafa verið ofarlega í umræðunni víða erlendis, t.d. mögulegum fugladauða. Í matsskýrslunni kemur fram að umfangsmiklar rannsóknir eru fyrirhugaðar. Megináhersla fuglarannsókna í tengslum við verkefnið verður kortlagning farfugla um svæðið frá vori og fram á haust. Á rannsóknatíma verður ratsjá keyrð til þess að fylgjast með umferðartíðni fugla á svæðinu en einnig er um að ræða beinar athuganir á vettvangi. Við kynningu og yfirlestur á drögum að tillögunni bárust athugasemdir og ábendingar frá stofnunum og einstaklingum. Ein veigamesta athugasemdin frá Landvernd lýtur að því hversu nálægt „anddyri“ friðlandsins að Fjallabaki vindorkugarðurinn er teiknaður. Landvernd telur að þetta muni hafa neikvæð áhrif á upplifun ferðamanna, ekki síst sem fyrsta upplifun þeirra af Fjallabaki.
Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Hagnaður minnkar um 1,5 milljarða milli ára Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Tengiltvinnari fyrir taugatrekkta Samstarf Gengi Eimskips lækkar vegna bilunarinnar Viðskipti innlent Svona lögðu Kínverjar framtíðina undir sig Viðskipti erlent Fleiri fréttir Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Sjá meira