Verðmat Arion banka á N1 reyndist of hátt

Greiningardeild Arion banka gaf fyrir helgi út leiðréttingu á virðismati sínu á fyrirtækinu N1.

Í fyrstu greiningu Arion er virði hvers hlutar fyrir sig metið á 17,90 krónur, en í leiðréttingu greiningardeildarinnar er hluturinn metinn á 16,20 krónur.

Það sem kom helst á óvart við leiðréttingu greiningardeildar var að fyrri ráðgjöf, þar sem fjárfestum var ráðlagt að bæta við hlut sinn í félaginu, var snúið við.

Með leiðréttingunni eru fjárfestar hvattir til að draga úr hlut sínum í félaginu. Þegar markaðurinn lokaði eftir síðasta viðskiptadag seldist hluturinn á 17,85 krónur, sem er rúmlega 0,85 prósenta lækkun eftir daginn.

Leiðréttingarinnar var þörf þar sem í fyrstu skýrslu greiningardeildar Arion banka hafði gleymst að draga rúmlega 1,6 milljarða króna arðgreiðslu frá lausu fé N1.

Því var virði eigin fjár lækkað úr 17.899 milljörðum króna í 16.249 milljarða.