Viðbrögð við íhlutun Rússa gætu raskað hag evrópskra bílaframleiðenda Óli Kristján Ármannsson skrifar 5. mars 2014 10:30 Gestir á forsýningu Volkswagen Group í Genf í Sviss á mánudag. Sýningin er hluti af 84. alþjóðlegu bílasýningunni í Genf og gladdi þar meðal annars augun nýr gulur Lamborghini Huracan. Sýningin er opin gestum og gangandi 6. til 16. þessa mánaðar. Fréttablaðið/AP Bílaframleiðendur í Evrópu hafa vara á sér vegna stöðunnar sem upp er komin í samskiptum Rússa við umheiminn. Fréttaveita AP greinir frá því að á upphafsdegi alþjóðlegu bílasýningarinnar í Genf í gær hafi komið fram að framleiðendur búi sig undir að breyta markaðsáætlunum sínum í snatri vegna mögulegra refsiaðgerða á hendur Rússum vegna inngrips landsins í málefni Úkraínu. Rússlandsmarkaður hefur leikið lykilhlutverk í áætlunum kreppuhrjáðra bílaframleiðenda í Evrópu. Þeir hafa horft til þess að auka sölu sína með aukinni starfsemi í Rússlandi, auk þess að leita þangað eftir samstarfi í sameiginleg verkefni. Óvissa hefur nú aukist um allar slíkar ráðagerðir vegna sívaxandi spennu milli Rússlands og Vesturveldanna sökum Krímskaga, sem er hluti af Úkraínu. „Það verður alltaf eitthvað til að koma á óvart. Úkraína er dæmi um það. Sveigjanleiki er nauðsynlegur,“ segir Stephen Odell, forstjóri Ford Europe. Hann ræddi við blaðamenn á foropnun fyrir fjölmiðla á Alþjóðlegu bílasýningunni í Genf í gær. Rússland vegur þungt í áætlunum Ford um að ná aftur arðbærum rekstri í Evrópu fyrir árið 2015, en þar er fyrirtækið með þrjár verksmiðjur og selur um 120 þúsund bíla á ári. Odell segir Ford ekki gefa út neinar spár um sölu í Rússlandi á þessu ári „og í hreinskilni sagt, miðað við hvað ástandið er eldfimt, verðum við bara að bíða og sjá“. Mikilvægt sé að hafa áætlun um næstu skref, en hafa hana nægilega sveigjanlega til þess að taka megi á aðstæðum eftir því sem þær koma upp. Didier Leroy, yfirmaður Toyota í Evrópu, segist vera í tíðu sambandi við svæðisstjóra sinn í Úkraínu, þar sem fyrirtækið er með 33 Toyota-söluumboð og fimm fyrir Lexus. Þá fylgist Toyota grannt með þróun mála í Rússlandi, en þar seldust 172 þúsund Toyota-bílar í fyrra. „Hlutirnir gerast mjög hratt,“ segir Leroy. „Það er erfitt að setja fram nokkrar spár.“ Þá segir Leroy að þótt bati sé hafinn á bílamarkaði í Evrópu þá verði hann hægur. „Og samkeppnin verður áfram mjög, mjög hörð.“Gestir á tæknisýningu Mobile World Congress á Spáni 26. síðasta mánaðar prófa að tengja snjallsíma sína við ConnectedDrive-kerfi BMW. Fréttablaðið/APSamruni bíla og snjallsíma Framleiðendur sem kynntu bíla sína á alþjóðlegu bílasýningunni í Genf í ár lögðu mikla áherslu á getuna til að tengja bíla og snjallsíma og gera notkun smáforrita (appa) auðveldari og öruggari. Ferrari, Mercedes-Benz og Volvo forsýndu í vikunni iPhone-tækni Apple fyrir bíla. Volkswagen er svo meðal bílaframleiðenda sem starfa með Google Inc. við að gera Android-síma óaðskiljanlega kerfi bíla. Vonir Google standa til þess að ljúka því að tengja Android-síma við bíla fyrir lok þessa árs. Martin Winterkorn, forstjóri Volkswagen, sagði í Genf að bílar væru að færast í þá átt að vera eins og fartölvur „með byltingarkenndum afleiðingum fyrir framtíðina“. Viðskiptavinir framtíðarinnar sagði hann að gætu mögulega uppfært hugbúnað bíla sinna heima í bílskúr. Winterkorn spáir því líka að stafræna byltingin í bílaframleiðslu breyti hefðbundnu útgáfuferli bíla þar sem viðskiptavinir krefjist þess að fá „réttan bíl, með réttri tækni, á réttum tíma,“ þannig að framleiðendur neyðist hugsanlega til að stytta þann sjö til átta ára tíma sem tekur að hanna og framleiða nýjan bíl. „Á næstu árum stendur bílaiðnaðurinn frammi fyrir einhverju mesta umróti síðan bíllinn var fundinn upp.“ Mest lesið Ætlar ekki að deyja í smán og gefur frá sér auðæfin Viðskipti erlent Að segja upp án þess að brenna brýr Atvinnulíf Minnkuðu lúxuspinna en ekki eldflaugina Neytendur Vilja nota geimflaugar til að flytja hergögn hvert sem er Viðskipti erlent Hagnaðist um rúma fimm milljarða á fyrsta ársfjórðungi Viðskipti innlent Fluttu mun minna til Bandaríkjanna en meira annað Viðskipti erlent Til IDS á Íslandi frá Íslenskri erfðagreiningu Viðskipti innlent Salan á Íslandsbanka: Samið við fjóra erlenda söluaðila Viðskipti innlent Bretar fyrstir til að semja við Trump Viðskipti erlent Hundrað og fimmtíu manns unnu að opnuninni Viðskipti innlent Fleiri fréttir Fluttu mun minna til Bandaríkjanna en meira annað Vilja nota geimflaugar til að flytja hergögn hvert sem er Ætlar ekki að deyja í smán og gefur frá sér auðæfin Bretar fyrstir til að semja við Trump Hyggja á opnun nýs Disney-skemmtigarðs í Abú Dabí Hætta við að reka OpenAI í hagnaðarskyni Buffett hættir sem forstjóri við lok árs Minni sala í skugga slæmra efnahagshorfa Sekta TikTok um tæpa áttatíu milljarða Engar viðræður fyrr en Trump fellir niður tolla Mikill samdráttur á pöntunum til kínverskra verksmiðja Kemur til móts við bílaframleiðendur vegna tolla Amazon í samkeppni við SpaceX í geimnum Kalifornía fjórða öflugasta efnahagsríki heims Gefur eftir í tollastríði við Kína ESB sektar Apple og Meta um rúma hundrað milljarða Ætlar að einbeita sér að Tesla eftir slæmt uppgjör Spá minni hagvexti um nær allan heim vegna tolla Bandaríkjastjórnar Ummæli Trumps um „meiriháttar lúser“ leggjast illa í markaðinn Notendur þurfi að bregðast við vilji þeir ekki að gögn verði notuð Heimsskortur á pistasíum vegna Dúbaí-súkkulaðis Tímamótasamkomulag um að draga úr losun skipaflotans Hlutabréfaverð í Asíu hækkar Trump hafi „ekki hugmynd“ um hvað hann sé að gera Færri fara til Bandaríkjanna en fækkunin hvað mest frá Íslandi Kínverjar svara fyrir sig og hækka enn tolla á bandarískar vörur Órói á mörkuðum heldur áfram og gullverð aldrei hærra Hækkar tolla á Kína aftur í 145 prósent Prada kaupir Versace á 183 milljarða króna Evrópusambandið frestar tollahækkunum Sjá meira
Bílaframleiðendur í Evrópu hafa vara á sér vegna stöðunnar sem upp er komin í samskiptum Rússa við umheiminn. Fréttaveita AP greinir frá því að á upphafsdegi alþjóðlegu bílasýningarinnar í Genf í gær hafi komið fram að framleiðendur búi sig undir að breyta markaðsáætlunum sínum í snatri vegna mögulegra refsiaðgerða á hendur Rússum vegna inngrips landsins í málefni Úkraínu. Rússlandsmarkaður hefur leikið lykilhlutverk í áætlunum kreppuhrjáðra bílaframleiðenda í Evrópu. Þeir hafa horft til þess að auka sölu sína með aukinni starfsemi í Rússlandi, auk þess að leita þangað eftir samstarfi í sameiginleg verkefni. Óvissa hefur nú aukist um allar slíkar ráðagerðir vegna sívaxandi spennu milli Rússlands og Vesturveldanna sökum Krímskaga, sem er hluti af Úkraínu. „Það verður alltaf eitthvað til að koma á óvart. Úkraína er dæmi um það. Sveigjanleiki er nauðsynlegur,“ segir Stephen Odell, forstjóri Ford Europe. Hann ræddi við blaðamenn á foropnun fyrir fjölmiðla á Alþjóðlegu bílasýningunni í Genf í gær. Rússland vegur þungt í áætlunum Ford um að ná aftur arðbærum rekstri í Evrópu fyrir árið 2015, en þar er fyrirtækið með þrjár verksmiðjur og selur um 120 þúsund bíla á ári. Odell segir Ford ekki gefa út neinar spár um sölu í Rússlandi á þessu ári „og í hreinskilni sagt, miðað við hvað ástandið er eldfimt, verðum við bara að bíða og sjá“. Mikilvægt sé að hafa áætlun um næstu skref, en hafa hana nægilega sveigjanlega til þess að taka megi á aðstæðum eftir því sem þær koma upp. Didier Leroy, yfirmaður Toyota í Evrópu, segist vera í tíðu sambandi við svæðisstjóra sinn í Úkraínu, þar sem fyrirtækið er með 33 Toyota-söluumboð og fimm fyrir Lexus. Þá fylgist Toyota grannt með þróun mála í Rússlandi, en þar seldust 172 þúsund Toyota-bílar í fyrra. „Hlutirnir gerast mjög hratt,“ segir Leroy. „Það er erfitt að setja fram nokkrar spár.“ Þá segir Leroy að þótt bati sé hafinn á bílamarkaði í Evrópu þá verði hann hægur. „Og samkeppnin verður áfram mjög, mjög hörð.“Gestir á tæknisýningu Mobile World Congress á Spáni 26. síðasta mánaðar prófa að tengja snjallsíma sína við ConnectedDrive-kerfi BMW. Fréttablaðið/APSamruni bíla og snjallsíma Framleiðendur sem kynntu bíla sína á alþjóðlegu bílasýningunni í Genf í ár lögðu mikla áherslu á getuna til að tengja bíla og snjallsíma og gera notkun smáforrita (appa) auðveldari og öruggari. Ferrari, Mercedes-Benz og Volvo forsýndu í vikunni iPhone-tækni Apple fyrir bíla. Volkswagen er svo meðal bílaframleiðenda sem starfa með Google Inc. við að gera Android-síma óaðskiljanlega kerfi bíla. Vonir Google standa til þess að ljúka því að tengja Android-síma við bíla fyrir lok þessa árs. Martin Winterkorn, forstjóri Volkswagen, sagði í Genf að bílar væru að færast í þá átt að vera eins og fartölvur „með byltingarkenndum afleiðingum fyrir framtíðina“. Viðskiptavinir framtíðarinnar sagði hann að gætu mögulega uppfært hugbúnað bíla sinna heima í bílskúr. Winterkorn spáir því líka að stafræna byltingin í bílaframleiðslu breyti hefðbundnu útgáfuferli bíla þar sem viðskiptavinir krefjist þess að fá „réttan bíl, með réttri tækni, á réttum tíma,“ þannig að framleiðendur neyðist hugsanlega til að stytta þann sjö til átta ára tíma sem tekur að hanna og framleiða nýjan bíl. „Á næstu árum stendur bílaiðnaðurinn frammi fyrir einhverju mesta umróti síðan bíllinn var fundinn upp.“
Mest lesið Ætlar ekki að deyja í smán og gefur frá sér auðæfin Viðskipti erlent Að segja upp án þess að brenna brýr Atvinnulíf Minnkuðu lúxuspinna en ekki eldflaugina Neytendur Vilja nota geimflaugar til að flytja hergögn hvert sem er Viðskipti erlent Hagnaðist um rúma fimm milljarða á fyrsta ársfjórðungi Viðskipti innlent Fluttu mun minna til Bandaríkjanna en meira annað Viðskipti erlent Til IDS á Íslandi frá Íslenskri erfðagreiningu Viðskipti innlent Salan á Íslandsbanka: Samið við fjóra erlenda söluaðila Viðskipti innlent Bretar fyrstir til að semja við Trump Viðskipti erlent Hundrað og fimmtíu manns unnu að opnuninni Viðskipti innlent Fleiri fréttir Fluttu mun minna til Bandaríkjanna en meira annað Vilja nota geimflaugar til að flytja hergögn hvert sem er Ætlar ekki að deyja í smán og gefur frá sér auðæfin Bretar fyrstir til að semja við Trump Hyggja á opnun nýs Disney-skemmtigarðs í Abú Dabí Hætta við að reka OpenAI í hagnaðarskyni Buffett hættir sem forstjóri við lok árs Minni sala í skugga slæmra efnahagshorfa Sekta TikTok um tæpa áttatíu milljarða Engar viðræður fyrr en Trump fellir niður tolla Mikill samdráttur á pöntunum til kínverskra verksmiðja Kemur til móts við bílaframleiðendur vegna tolla Amazon í samkeppni við SpaceX í geimnum Kalifornía fjórða öflugasta efnahagsríki heims Gefur eftir í tollastríði við Kína ESB sektar Apple og Meta um rúma hundrað milljarða Ætlar að einbeita sér að Tesla eftir slæmt uppgjör Spá minni hagvexti um nær allan heim vegna tolla Bandaríkjastjórnar Ummæli Trumps um „meiriháttar lúser“ leggjast illa í markaðinn Notendur þurfi að bregðast við vilji þeir ekki að gögn verði notuð Heimsskortur á pistasíum vegna Dúbaí-súkkulaðis Tímamótasamkomulag um að draga úr losun skipaflotans Hlutabréfaverð í Asíu hækkar Trump hafi „ekki hugmynd“ um hvað hann sé að gera Færri fara til Bandaríkjanna en fækkunin hvað mest frá Íslandi Kínverjar svara fyrir sig og hækka enn tolla á bandarískar vörur Órói á mörkuðum heldur áfram og gullverð aldrei hærra Hækkar tolla á Kína aftur í 145 prósent Prada kaupir Versace á 183 milljarða króna Evrópusambandið frestar tollahækkunum Sjá meira