Vilja draga úr kostnaði við lagningu jarðstrengja

Nýtt rannsóknarverkefni sem Landsnet hefur hrint af stokkunum gengur út á að greina hagkvæmustu kosti við val á jarðstrengjum og lagningu þeirra og frágang.

Ráðgjafar í verkefninu, sem ætlað er að taki um hálft ár, eru frá Energinet.dk, StellaCable og Háskólanum í Reykjavík.

„Jarðstrengslagnir í flutningskerfi Landsnets ná nú yfir 200 kílómetra,“ segir í tilkynningu. Fleiri jarðstrengir séu áætlaðar á næstu árum.

„Þar sem slíkar framkvæmdir eru mjög kostnaðarsamar vill Landsnet leita leiða til að draga úr kostnaði við þær.“

Frekari upplýsingar um verkefnið er að finna á vef Landsnets.