Slíta viðræðum um sameiningu

MP banki og Íslensk verðbréf hf. (ÍV) hafa hætt við að sameina félögin, að því er fram kemur í tilkynningu. Viðræður hófust í maí í fyrra eftir tilboð MP banka í allt hlutafé ÍV.

Breyttar forsendur og ólíkar áherslur eru í tilkynningunni sagðar hafa leitt til sameiginlegs samkomulags um að hverfa frá viðskiptunum. „Munu fyrirtækin áfram starfa hvort í sínu lagi og hlúa að þeim markmiðum og áherslum sem þau hafa starfað eftir,“ segir þar. 

„Ég er ánægður með að niðurstaða sé komin í þetta mál,“ segir Torfi Pálsson, framkvæmdastjóri ÍV, í tilkynningunni. „Íslensk verðbréf eru með traustan hóp viðskiptavina og starfsfólk okkar mun hér eftir sem hingað til leggja höfuðáherslu á að veita framúrskarandi þjónustu á sviði eignastýringar.“

Þá er haft eftir Sigurði Atla Jónssyni, forstjóra MP banka, að vegna þess að forsendur hafi breyst þá sé ekki lengur grundvöllur fyrir kaupunum miðað við markmið bankans.

„MP banki mun því halda áfram að byggja upp eigin eignastýringu sem grundvallast á góðum innri vexti og árangri sem hefur náðst í starfseminni. Við erum bjartsýn á að við getum nýtt þann meðbyr sem við höfum notið síðustu árin til þessarar uppbyggingar,“ er eftir honum haft.

Þá er haft eftir Sigurði Atla Jónssyni, forstjóra MP banka, að vegna þess að forsendur hafi breyst þá sé ekki lengur grundvöllur fyrir kaupunum miðað við markmið bankans. 

„MP banki mun því halda áfram að byggja upp eigin eignastýringu sem grundvallast á góðum innri vexti og árangri sem hefur náðst í starfseminni. Við erum bjartsýn á að við getum nýtt þann meðbyr sem við höfum notið síðustu árin til þessarar uppbyggingar,“ er eftir honum haft.