Vill nánari greiningu á mögulegum raforkustreng

Atvinnuveganefnd hefur fjallað um skýrslu ráðgjafarhóps um raforkustreng til Evrópu.

Nefndin beinir málinu áfram til ráðherra og leggur til að hafin verði sem fyrst vinna við nánari greiningu á verkefninu og hugað verði að mörgum óvissuþáttum, sem lúta meðal annars að hagrænum og félagslegum áhrifum verkefnisins.

Nefndin leggst því hvorki gegn né mælir með því að lagður verði sæstrengur til Evrópu, sem gæti að mati nefndarinnar, orðið eitt stærsta verkefni sem þjóðin hefur tekist á við í orkufrekum iðnaði.