Ákvörðun Samkeppniseftirlits felld úr gildi

Felld hefur verið úr gildi synjun Samkeppniseftirlitsins á að afhenda Eimskipi gögn sem lágu til grundvallar húsleit hjá félaginu og dótturfélögum þess tíunda september síðastliðinn. Þrettánda september synjaði Samkeppniseftirlitið beiðni Eimskips um gögnin.

Áfrýjunarnefndar samkeppnismála hefur nú ógilt þá ákvörðun.

„Er lagt fyrir Samkeppniseftirlitið að taka á ný afstöðu til beiðni félaganna um aðgang að gögnum,“ segir í tilkynningu Eimskips. Félagið gerir ráð fyrir að fá aðgang að gögnunum og þar með frekari upplýsingar um hvers vegna ráðist var í húsleitina.