Sigrún Kjartansdóttir er nýr framkvæmdastjóri Gengur vel ehf

Sigrún Kjartansdóttir hefur tekið við sem nýr framkvæmdastjóri fyrirtækisins Gengur vel ehf. Í tilkynningu frá fyrirtækinu segir að Sigrún hafi mikla stjórnunar- og rekstrarreynslu að baki, bæði úr íslensku sem og alþjóðlegu rekstrarumhverfi.

Gengur vel fagnaði tíu ára afmæli þann 10. október síðastliðinn, en fyrirtækið selur heilsuvörur. Þuríður Ottesen stofnandi og eigandi fyrirtækisins lætur af framkvæmdastjórn fyrirtækisins mun áfram starfa í sérverkefnum tengdum vöruþróun og sem stjórnarformaður.