Alvogen hefur keypt Portfarma

Bandaríska lyfjafyrirtækið Alvogen hefur keypt íslenska lyfjafyrirtækið Portfarma.

Alvogen undirbýr nú skráningu og sölu fjölmargra samheitalyfja hér á landi en Portfarma hefur starfað á íslenskum lyfjamarkaði frá árinu 2005. Fyrirtækið hefur á þeim tíma markaðssett um 50 lyf ásamt heilsutengdum vöru, samkvæmt tilkynningu Alvogen.

„Alvogen hefur vaxið og dafnað á síðustu árum og starfsemi okkar nær nú til 34 landa. Starfsemi okkar á Íslandi hefur aukist jafnt og þétt og það er ánægjulegt að geta nú markaðssett samheitalyf Alvogen á Íslandi. Vöruframboð hér á landi mun aukast verulega á næstu misserum og stefnt er að skráningu fjölda lyfja á okkar vegum,“ segir Róbert Wessman, forstjóri fyrirtækisins.

Fyrirtækið vinnur nú að byggingu hátækniseturs í Vatnsmýrinni sem mun hýsa evrópskar höfuðstöðvar fyrirtækisins, þróun og framleiðslu á líftæknilyfjum og innlenda starfsemi. Framkvæmdir við húsið hófust í nóvember 2013 og mun ljúka innan tveggja ára. Alls