Verðbólguálag lækkar hratt

Verðbólguálag skuldabréfa hefur lækkað hratt það sem af er árinu, að því er fram kemur á vef Samtaka atvinnulífsins (SA).

„Verðbólguálagið er mismunur vaxta á óverðtryggðum og verðtryggðum skuldabréfum með sama líftíma og endurspeglar verðbólguvæntingar aðila á skuldabréfamarkaði,“ segir á vef SA.

„Verðbólguálagið á skuldabréfum til fimm ára var 4,22% í ársbyrjun en hafði lækkað í 3,71% um miðjan mánuðinn.“ Skýringin er sögð liggja í markmiði kjarasamninganna um hjöðnun verðbólgu.