107 þinglýsingar á höfuðborgarsvæðinu

Alls 107 kaupsamningum var þinglýst á höfuðborgarsvæðinu á tímabilinu 7. til 13. febrúar. Heildarveltan var 3.738 milljónir króna og meðalupphæð á samning 34,9 milljónir króna.

73 samningar voru um eignir í fjölbýli, 24 um sérbýli og tíu samningar um annars konar eignir en íbúðarhúsnæði. Frá þessu er greint á vef Þjóðskrá Íslands.

Á sama tíma var ellefu kaupsamningum þinglýst á Suðurnesjum. Heildarveltan var 227 milljónir króna og meðalupphæð á samning 20,6 milljónir króna.

Sex kaupsamningum var þinglýst á Akureyri. Heildarveltan var 166 milljónir króna og meðalupphæð á samning 27,7 milljónir króna. Níu samningum var þinglýst á Árborgarsvæðinu, heildarveltan þar var 163 milljónir króna og meðalupphæð á samning 18,1 milljón króna.