Þrjátíu og átta skipverjum sagt upp og óvissa ríkir um fleiri

Þrjátíu og átta sjómönnum, sem hafa skipt með sér plássum á fjölveiðiskipinu Guðmundi VE, var sagt upp störfum gærkvöldi og óvissa ríkir um stöðu álíka margra sjómanna á Þorsteini ÞH , en skipin eru bæði í eigu Ísfélagsins í Vestmannaeyjum og hafa verið seld til Grænlands.

Í ráði er að nýtt skip, sem verið a er að smíða í Tyrklandi, leysi skipin af hólmi og er það væntanlegt til landsins í maí. Áður var búið að segja upp áhöfninni á Þorsteini því fyrirtækið ætlar að sameina aflaheimildir tveggja skipa á eitt, þannig að sjómönnum mun óhjákævmilega fækka þótt einhverjir verði endurráðnir á nýja skipið.

Guðmundur og Þorsteinn, sem eru 13 og 14 ára, hafa verið seldir til Royal Greenland og mun yfirmönnum standa til boða að starfa áfram á þeim. Öðru gildir með undirmenn, því grænlensk stjórnvöld halda til streitu að grænlendingar siti sjálfir að þeim stöðum.

Að sögn Valmundar Valmundarsonar formanns sjómannafélagsins Jötuns í Eyjum, er verið að kanna stöðu undarimanna nánar og eins hvaða kjör eru í boði, en samningar sjómanna í Grænlandi við útgerðir, eru allt öðruvísi en hér á landi.

Það þurfi að skoða nánar og eins hug undirmanna til að starfa í Grænlandi. Eins og fram kom í fréttum nýverið keypti Ísfélagið togskipið Dala Rafn VE með öllum veiðiheimildum og ætlar að gera það áfarm út frá Eyjum. Að sögn Valmundar halda allir sjómennirnir á því skipi störfum sínum þrátt fyrir eigiendaskipti. Fréttastofan náði ekki sambandi við Stefán Friðriksson framkvæmdastjóra Ísfélagsins í morgun.