Mini fækkar bílgerðum í 5 Finnur Thorlacius skrifar 27. nóvember 2014 09:47 Nýr rafmagnsbíll verður byggður á grunni Mini Superleggera Concept tilraunabílsins. Svo margar eru bílgerðir Mini bíla að kaupendur þeirra eru orðnir hálf ruglaðir í ríminu. Þær eru nú 8 talsins en verður fækkað í 5. BMW, eigandi Mini hefur fram að þessu viljað mjólka vinsældir bílanna með sífellt nýjum gerðum, en það hefur kostað skildinginn. Ákvörðun hefur verið tekin um að hætta framleiðslu þriggja gerða Mini bíla og þykir líklegt að Coupe bíllinn og tveggja sæta Roadster bíllinn fari undir öxina, en BMW hefur ekki látið uppi hvaða bílar verður hætt að framleiða. Mini hefur á undanförnum árum fengið aukna samkeppni frá bílum eins og Audi A1, Fiat 500 og Nissan Juke, svo fáeinir séu nefndir og ætlar BMW að auka fókusinn á þá bílgerðir sem enn hafa sérstöðu. Ljóst er að grunngerð Mini, bæði þriggja og fimm hurða útfærslur þeirra halda velli, sem og Countryman og Clubman bílarnir. Þrátt fyrir að skorið verði niður í útfærslum Mini bíla er einn nýr á leiðinni, þ.e. rafmagnsútfærsla hans. Verður hann byggður á tilraunabílnum Superleggera Concept sem sýndur var á bílasýningunni í París fyrir stuttu. Tilkoma hans á að auka líkurnar á að metsöluárið í fyrra uppá 305.000 selda Mini bíla verði náð aftur, en salan í ár verður örugglega minni en í fyrra. Einnig ætlar Mini að bjóða kaupendum bíla sinna að sníða þá meira eftir eigin höfði og persónugera þá. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Það er hart sótt að okkar fólki“ Innlent Fleiri fréttir Fær einn af sextíu forsetaframbjóðendum upp í bíl til sín Sjá meira
Svo margar eru bílgerðir Mini bíla að kaupendur þeirra eru orðnir hálf ruglaðir í ríminu. Þær eru nú 8 talsins en verður fækkað í 5. BMW, eigandi Mini hefur fram að þessu viljað mjólka vinsældir bílanna með sífellt nýjum gerðum, en það hefur kostað skildinginn. Ákvörðun hefur verið tekin um að hætta framleiðslu þriggja gerða Mini bíla og þykir líklegt að Coupe bíllinn og tveggja sæta Roadster bíllinn fari undir öxina, en BMW hefur ekki látið uppi hvaða bílar verður hætt að framleiða. Mini hefur á undanförnum árum fengið aukna samkeppni frá bílum eins og Audi A1, Fiat 500 og Nissan Juke, svo fáeinir séu nefndir og ætlar BMW að auka fókusinn á þá bílgerðir sem enn hafa sérstöðu. Ljóst er að grunngerð Mini, bæði þriggja og fimm hurða útfærslur þeirra halda velli, sem og Countryman og Clubman bílarnir. Þrátt fyrir að skorið verði niður í útfærslum Mini bíla er einn nýr á leiðinni, þ.e. rafmagnsútfærsla hans. Verður hann byggður á tilraunabílnum Superleggera Concept sem sýndur var á bílasýningunni í París fyrir stuttu. Tilkoma hans á að auka líkurnar á að metsöluárið í fyrra uppá 305.000 selda Mini bíla verði náð aftur, en salan í ár verður örugglega minni en í fyrra. Einnig ætlar Mini að bjóða kaupendum bíla sinna að sníða þá meira eftir eigin höfði og persónugera þá.
Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Það er hart sótt að okkar fólki“ Innlent Fleiri fréttir Fær einn af sextíu forsetaframbjóðendum upp í bíl til sín Sjá meira