Bílar

Mustang slær út Camaro í sölu

Finnur Thorlacius skrifar
Ford Mustang árgerð 2015.
Ford Mustang árgerð 2015.
Bandarísku kraftakögglarnir Ford Mustang og Chevrolet Camaro hafa allt frá því á sjöunda áratug síðustu aldar barist um hylli þeirra bílkaupenda sem vilja hafa mikið hestastóð í húddinu.

Síðan þá hefur Mustang oftar haft yfirhöndina er kemur að fjölda seldra bíla, en frá árinu 209 hefur Camaro hinsvegar selst meira en Mustang, enda kom ný gerð hans á markað það árið.

Það sama er að gerast núna, því með nýrri kynslóð Mustang bílsins hefur Ford aftur tekið forystuna í sölu og það með trukki og dýfu í síðasta mánuði. Nýliðinn nóvember er fyrsti heili sölumánuður nýs Mustang bíls og rauk hann út til kaupenda.

Hann seldist í 8.728 eintökum í mánuðinum en á meðan seldist Camaro í 4.385 eintökum. Sala Mustang fór upp um 62%, en sala Camaro niður um 13,5%. Þrátt fyrir þennan mikla mun er sala Camaro meiri á árinu en sala Mustang. Camaro hefur selst í 79.669 eintökum en Mustang í 73.124 eintökum.

Því er allt útlit fyrir það að Camaro hafi sölusigur yfir Mustang sjötta árið í röð, þó svo gera megi ráð fyrir því að sala Mustang verði meiri en Camaro á næsta ári.

Mest lesið




×

Mest lesið