Rekstrartekjur Landsvirkjunar 48,6 milljarðar

Hagnaður Landsvirkjunar fyrir óinnleysta fjármagnsliði hækkaði um 17,5% á milli ára en þetta kemur fram í fréttatilkynningu en Landsvirkjun hefur nú birt ársreikninginn fyrir árið 2013.

Rekstrartekjur námu 48,6 milljarðar króna sem er 3,7% hækkun frá árinu áður. Hagnaður fyrir óinnleysta fjármagnsliði nam 14 milljarðar króna sem mun vera 17,5% hækkun.

Handvært fé Landsvirkjunar frá rekstri nam 29,7 milljarðar króna eða 9,4% meira en á árinu 2012. Tap ársins var 4,4 milljarðar króna.

„Árið 2013 var mesta raforkuvinnsla og sala í sögu Landsvirkjunar. Seldar voru 13.186 Gígavattsstundir sem er aukning um 416 gígavattsstundir frá fyrra ári. Reksturinn gekk vel og að mestu áfallalaust. Rekstrartekjur, EBITDA og hagnaður fyrir óinnleysta fjármagnsliði jukust á árinu,“ segir Hörður Arnarson, forstjóri Landskirkjunnar.

„Þrátt fyrir þennan árangur í orkusölunni í erfiðu markaðsumhverfi var Landsvirkjun rekin með tapi á síðasta ári. Ástæðu þess má rekja til lækkunar á álverði á heimsmarkaði, sem kemur meðal annars fram í mikilli lækkun á bókfærðu verði innbyggðra afleiða, sem fyrirtækið getur haft takmörkuð áhrif á.“

Raforkuvinnsla Landsvirkjunar á árinu 2013 gekk vel en selt magn nam 13.186 gígavattsstundir á árinu. Hlutur vatnsafls er um 96% í vinnslu Landsvirkjunar og hlutur jarðvarma er 4%.

Rekstur aflstöðva gekk vel á árinu fyrir utan eina alvarlega bilun sem varð í háspennu­tengingu í Búrfelli.