Vöxtur á veltum flestra greina árið 2013

Velta í virðisaukaskattskyldri starfsemi á síðustu tveimur mánuðum ársins 2013 var tæpir 590 milljarðar króna, sem er aukning um 5 prósent frá sama tímabili 2012. Heildarvelta í fyrra var 3.340 milljarðar króna og jókst um 3,3 prósent frá fyrra ári.

Þetta kemur fram á vef Hagstofu Íslands.

 Þar kemur fram að velta hafi aukist í flestum atvinnugreinum, en mesta aukningin var þó í námugreftri og vinnslu hráefna úr jörðu, eða 17,5 prósent. Velta gististaða og veitingareksturs hækkaði um 17,1 prósent á milli 2013 og 2012. Velta í byggingastarfsemi og mannvirkjagerð jókst um 14,9 prósent.

Aftur á móti dróst velta í framleiðslugreinum saman á milli ára.