Seldu hluta í Högum fyrir 3,2 milljarða

Fjárfestarnir Árni Hauksson og Hallbjörn Karlsson, eigendur Hagamels ehf., hafa selt 77 milljónir hluta í Högum fyrir rúmlega 3,2 milljarða króna, en gengi bréfa Haga í Kauphöllinni er nú 41,9.

Lífeyrissjóður verzlunarmanna keypti 37 milljónir hluta af þeim Árna og Hallbirni og sjóðurinn á nú 7,87 prósenta hlut í Högum. 

Tæplega 119 milljónir hluta í Högum hafa skipt um hendur það sem af er morgni í viðskiptum fyrir um fimm milljarða króna. Gengi bréfanna hefur lækkað um 2,56 prósent það sem af er degi.