Far Cry 4: Kunnugleg fjallganga Samúel Karl Ólason skrifar 7. desember 2014 13:00 Söguhetja leiksins þarf að koma Pagan Min frá völdum til að geta dreift ösku móður sinnar. Ferðalag Ajay Ghale um landið Kyrat, sem umlukið er Himalaya fjöllunum, er skemmtilegt en þó verulega kunnulegt. Far Cry 4 er í grunninn alveg eins og Far Cry 3, bara stærri og það er meira af vopnum, farartækjum, dýrum, fólki og í raun öllu. Sem áður er sagan á köflum í besta falli ágæt en húmornum hefur verið veitt aukið vægi. Leikurinn gengur út á að hjálpa heimamönnum við að koma einvaldi frá völdum. Til þess þarf að hertaka varðstöðvar og opna ný svæði á kortinu með því að klifra upp turna og leysa hin ýmsu verkefni. Leikmaður veiðir dýr til þess að geta borið fleiri vopn, meira af skotfærum og fleiri sprengjur.Far Cry hefur tekið heilmiklum breytingum frá því að Jack Carver barðist við skrýmsli í Suður-Kyrrahafi árið 2004. Á milli Far Cry 3 og 4 eru breytingarnar hins vegar ekki miklar. Leikurinn er þó skemmtilegri en forveri sinn og það er mun meira að gera í honum. Helsta breytingin er þó að nú er boðið upp á fjölspilun. Bæði er hægt að berjast gegn vinum sínum og með þeim í gegnum sögu leiksins. Meðal dýra sem hægt er að veiða í leiknum eru svín, úlfar, tígrisdýr, jakuxar (auðvitað), greifingjar, fílar og nashyrningar. Sum eru hættulegri en önnur en fílarnir hafa sérstöðu. Leikmenn geta stokkið á bak dýranna og stýrt þeim. Það er fátt meira gefandi en að sitja á fíl, vopnaður stórri vélbyssu og sprengjuvörpu.Vinir geta spilað saman í gegnum söguþráð Far Cry.Við spilun leiksins koma upp nokkur tilvik þar sem leikmaður þarf að taka ákvörðun sem hefur afleiðingar inn í leikinn og getur leikurinn endað á mismunandi vegu. Einn endirinn er þó merkilegri en aðrir, en við förum ekki nánar út í það.Far Cry 4 er skemmtilegur leikur sem hefur endurspilunargildi. Líklega mun það ekki borga sig fyrir Ubisoft að leika sama leikinn þrisvar, ef svo má að orði komast, og vonandi verður meiri framþróun í næsta Far Cry leik. Aðdáendur leikjanna verða þó ekki fyrir vonbrigðum með þennan, sem er frekar skemmtilegur. Í raun gengur Far Cry út á það að vera skemmtilegur og tekst honum það vel. Leikjadómar Leikjavélar Leikjavísir Mest lesið Hataði á sér brjóstin og vildi skera þau af Lífið Best klæddu stjörnurnar á Met Gala Tíska og hönnun Ísland geti orðið fyrsta reyklausa landið í heimi Lífið Laufey skein skært á Met Gala Tíska og hönnun Endurgerðu Síðustu kvöldmáltíðina eftir síðustu pylsuna Lífið Hvaða jólasveinn verður næsti forseti? Lífið Óli Palli ætlar að horfa á Stöð 2 í kvöld Lífið Nánast engar líkur taldar á að Hera komist áfram Lífið Salurinn aldrei sungið eins mikið með einu lagi Lífið Smalahundaþjálfun og æsingur í hundum vegna gestagangs Lífið Fleiri fréttir Veiða dýr og menn hjá GameTíví GameTíví: Plorrinn spilar Fallout Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira
Ferðalag Ajay Ghale um landið Kyrat, sem umlukið er Himalaya fjöllunum, er skemmtilegt en þó verulega kunnulegt. Far Cry 4 er í grunninn alveg eins og Far Cry 3, bara stærri og það er meira af vopnum, farartækjum, dýrum, fólki og í raun öllu. Sem áður er sagan á köflum í besta falli ágæt en húmornum hefur verið veitt aukið vægi. Leikurinn gengur út á að hjálpa heimamönnum við að koma einvaldi frá völdum. Til þess þarf að hertaka varðstöðvar og opna ný svæði á kortinu með því að klifra upp turna og leysa hin ýmsu verkefni. Leikmaður veiðir dýr til þess að geta borið fleiri vopn, meira af skotfærum og fleiri sprengjur.Far Cry hefur tekið heilmiklum breytingum frá því að Jack Carver barðist við skrýmsli í Suður-Kyrrahafi árið 2004. Á milli Far Cry 3 og 4 eru breytingarnar hins vegar ekki miklar. Leikurinn er þó skemmtilegri en forveri sinn og það er mun meira að gera í honum. Helsta breytingin er þó að nú er boðið upp á fjölspilun. Bæði er hægt að berjast gegn vinum sínum og með þeim í gegnum sögu leiksins. Meðal dýra sem hægt er að veiða í leiknum eru svín, úlfar, tígrisdýr, jakuxar (auðvitað), greifingjar, fílar og nashyrningar. Sum eru hættulegri en önnur en fílarnir hafa sérstöðu. Leikmenn geta stokkið á bak dýranna og stýrt þeim. Það er fátt meira gefandi en að sitja á fíl, vopnaður stórri vélbyssu og sprengjuvörpu.Vinir geta spilað saman í gegnum söguþráð Far Cry.Við spilun leiksins koma upp nokkur tilvik þar sem leikmaður þarf að taka ákvörðun sem hefur afleiðingar inn í leikinn og getur leikurinn endað á mismunandi vegu. Einn endirinn er þó merkilegri en aðrir, en við förum ekki nánar út í það.Far Cry 4 er skemmtilegur leikur sem hefur endurspilunargildi. Líklega mun það ekki borga sig fyrir Ubisoft að leika sama leikinn þrisvar, ef svo má að orði komast, og vonandi verður meiri framþróun í næsta Far Cry leik. Aðdáendur leikjanna verða þó ekki fyrir vonbrigðum með þennan, sem er frekar skemmtilegur. Í raun gengur Far Cry út á það að vera skemmtilegur og tekst honum það vel.
Leikjadómar Leikjavélar Leikjavísir Mest lesið Hataði á sér brjóstin og vildi skera þau af Lífið Best klæddu stjörnurnar á Met Gala Tíska og hönnun Ísland geti orðið fyrsta reyklausa landið í heimi Lífið Laufey skein skært á Met Gala Tíska og hönnun Endurgerðu Síðustu kvöldmáltíðina eftir síðustu pylsuna Lífið Hvaða jólasveinn verður næsti forseti? Lífið Óli Palli ætlar að horfa á Stöð 2 í kvöld Lífið Nánast engar líkur taldar á að Hera komist áfram Lífið Salurinn aldrei sungið eins mikið með einu lagi Lífið Smalahundaþjálfun og æsingur í hundum vegna gestagangs Lífið Fleiri fréttir Veiða dýr og menn hjá GameTíví GameTíví: Plorrinn spilar Fallout Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira