Tvöfalt hjá HK í blakinu

HK varð í dag tvöfaldur bikarmeistari í blaki. Karlalið HK vann öruggan 3-0 sigur á Þrótti í dag en fyrr um daginn hafði kvennalið félagsins unnið Aftureldingu.

Fyrsta hrinan var mjög auðveld fyrir HK sem vann hrinuna 25-14. Meiri spenna var í annarri hrinu en HK marði sigur, 27-25.

Þá var eins og allur vindur væri úr Þrótturum og HK valtaði yfir Þróttara í þriðju hrinunni, 25-15.

Frábær dagur fyrir blakdeild HK og verður eflaust mikið fagnað í Fagralundi í kvöld.