Fjölgun á vinnumarkaði á milli ára

Fólki á vinnumarkaði á aldrinum 16 til 74 ára fjölgaði um 4,4 prósent á fjórða ársfjórðungi 2013 miðað við sama tímabil árinu áður.

Á fjórða ársfjórðungi 2012 voru alls 176.800 á vinnumarkaði eða 78,7 prósent atvinnuþátttaka og utan vinnumarkaðar voru þá 47.800. Á sama tímabili í fyrra voru að jafnaði 184.600 manns á vinnumarkaði og fjölgaði því um 7.800 manns. Jafngildir þetta 80,7 prósent atvinnuþátttöku.

Fjöldi fólks utan vinnumarkaðar var 44.200 og hefur því fólki fækkað um 7,5 prósent frá fyrra ári eða um 3.600 manns. Atvinnuþátttaka kvenna var 78,2 prósent og karla 83,1 prósent.

Nánar má lesa um málið á vef Hagstofu Íslands.