Rúmlega 800 eintök af PS4 fóru á fyrsta degi

Hundruð manna biðu í röð við verslun Elko í Kópvogi í gær þegar sala á nýju Play Station 4 leikjatölvunni hófst á Íslandi. Fyrsta sending leikjatölvunnar er uppseld á Íslandi.

Margir höfðu raunar beðið frá því í nóvember eftir að fá nýju Play Station 4 leikjatölvuna í hendurnar en þá hófst forsala hér á landi. Rúmlega 800 eintök af leikjatölvunni fóru út í gær og byrjar sala mun betur en þegar þriðja útgáfa þessarar vinsælu leikjatölvu kom út á sínum tíma.

Fjallað var um fyrsta söludag leikjatölvunnar í kvöldfréttum Stöðvar 2 í kvöld eins og sjá má í myndbandinu hér að ofan.