Jólunum bjargað: Nýtt tré fellt við Rauðavatn í dag

Dagur B. Eggertsson borgarstjóri mun, ásamt fulltrúa norska sendiráðsins á Íslandi, fella grenitré í útmörk Reykjavíkurborgar við Rauðavatn í dag. Tréð verður fellt klukkan 14.15 og mun koma í stað Oslóartrésins á Austurvelli.

Oslóartréð fór illa í óveðrinu í nótt og er ónýtt. Borgarstjórinn leitaði því í morgun á Facebook og kallaði eftir hugmyndum um hvernig mætti bæta úr þessu.

Það var Skógræktarfélag Reykjavíkur sem svaraði kallinu og mun sjá borgarbúum fyrir nýju jólatré.

Stefnt er að því að tendra jólatréð á Austurvelli á sunnudag.