Sölustöðvun og innköllun af markaði á beyglum

10-11, í samvinnu við Bakarann okkar ehf, hefur, í samráði við matvælaeftirlit Heilbrigðiseftirlits Reykjavíkur, ákveðið að innkalla af markaði allar beyglur frá Bakaranum okkar þar sem vörurnar gætu innihaldið ómerkta ofnæmis- og óþolsvalda.

Samkvæmt matvælalöggjöfinni eiga ofnæmis- og óþolsvaldar að vera skýrt merktir á merkingum matvæla.

1. Bakarinn okkar beygla með pepperoni.

2. Bakarinn okkar beygla með kjúkling.

3. Bakarinn okkar beygla með skinku.

Í tilkynningu frá 10-11 segir að vörurnar séu skaðlausar þeim sem ekki eru viðkvæmir fyrir sojaafurðum, mjólkurafurðum, hveiti, sesamfræjum og súlfíði.

Vörurnar voru til sölu í  verslunum 10-11. Þær hafa verið teknar úr sölu frá og með 14.febrúar 2014.

Þeir neytendur sem eiga umræddar vörur og eru viðkvæmir fyrir ofangeindum fæðutegundum eru beðnir um að farga henni eða skila til framleiðanda gegn bótum. Einnig er hægt að skila vörunni í næstu verslun 10-11.