Raftækjarisar sektaðir um 21 milljarð vegna verðsamráðs

Stóru raftækjaframleiðendurnir Samsung, Philips og þýski hálfleiðaraframleiðandinn Infineon hafa verið sektaðir um samtals 21,3 milljarða króna vegna verðsamráðs með hálfleiðara sem notaðir eru í raftæki.

Samráð þetta á að hafa átt sér stað á árunum 2003 til 2005. Það er framkvæmdastjórn Evrópusambandsins sem sektað hefur fyrirtækin vegna starfsemi þeirra á markaði í Evrópu. Infineon fékk hæstu sektina, 12,8 milljarða, Samsung 5,4 milljarða og Philips 3,1 milljarð króna. Infineon og Philips ætla að áfrýja úrskurðinum og segja ekkert hæft í þeim ásökunum sem á fyrirtækin eru borin.

Samsung hefur ekki ákveðið hvort fyrirtækið muni gera slíkt hið sama. Í júní á þessu ári fékk Intel, sem einnig framleiðir hálfleiðara, risasekt uppá 170 milljarða króna fyrir samskonar sakir eftir að hafa áfrýjað samskonar ásökunum, en Intel tapaði málinu fyrir dómi.