Hæstiréttur staðfestir dóm yfir Samherja

Í dag staðfesti Hæstiréttur dóm Héraðsdóms Reykjavíkur í máli fyrirtækisins Samherja. Fyrirtækið fór fram á milljarð í bætur frá íslenska ríkinu vegna endurákvörðunar skatta, en Hæstiréttur féllst ekki á rök Samherja. Þetta kemur fram á vef Viðskiptablaðsins.

Ríkisstjórnin endurákvað opinber gjöld Samherja frá árunum 2006 til 2010 eftir að hafa úrskurðað að Samherji hafi nýtt sér yfirfæranlegt skattalegt tap fjárfestingafélagsins Fylkis við samruna árið 2006.

Samherji krafðist ógildingar á úrskurðinum, meðal annars vegna þess að ríkisskattstjóri hafi verið vanhæfur til að fjalla um mál fyrirtækisins. Héraðsdómur Reykjavíkur hafnaði þessari kröfu í byrjun júní og nú liggur fyrir dómur Hæstaréttar í málinu. Endurákvörðun skattanna stendur því enn.