Stofnuðu nýtt efnahagsráð

Stofnfundur Efnahagsráðs norðurslóða fór fram í borginni Iqaluit í Norður-Kanada í gær.

Þar komu saman fulltrúar viðskiptalífs allra norðurskautsríkjanna átta og samtaka frumbyggja á norðurslóðum til að taka þátt í fundinum.

Ísland á tvo fulltrúa í efnahagsráðinu og sótti formaður Norðurslóða-viðskiptaráðs Íslands fundinn, auk fulltrúa Íslands í embættismannanefnd Norðurskautsráðsins.

Vonast er til að ráðið skapi vettvang til að hlúa að viðskiptum og ábyrgri auðlindanýtingu á norðurslóðum, samkvæmt frétt utanríkisráðuneytisins.