6,8% stjórnenda í fjármálakerfinu konur

Þrátt fyrir að lög kveði á um að hlutfall hvors kyns í stjórnum fyrirtækja verði að vera að minnsta kosti 40% eru konur sjaldséðar í æðstu stjórnunarstöðum í íslensku fjárfestingarumhverfi og fjármálakerfi.

Þetta kemur fram í úttekt Kjarnans sem náði til 88 æðstu stjórnenda slíkra fyrirtækja en af þeim reyndust einungis sex stjórnendanna vera konur, eða 6,8%.

Einungis einn bankastjóri þriggja stóru viðskiptabankanna, Íslandsbanka, er kona og af tólf sparisjóðum landsins er einungis einum þeirra stýrt af konu.

Staðan er engu skárri hjá lífeyrissjóðunum, langstærstu fjárfestum landsins. Hreinar eignir þeirra til greiðslu lífeyris eru um 2.656 milljarðar króna sem er að mestu leyti bundið í fjárfestingum.  

Tíu stærstu sjóðirnir eiga rúmlega 80% þessara eigna og stjórnendur þeirra eru allir karlar ásamt því að starfmenn sjóðanna í eignastýringu eru langflestir karlkyns.  Af 26 lífeyrissjóðum er einungis tveir þeirra undir handleiðslu kvenna, Lífeyrissjóðir verkfræðing og Vestfirðinga.

Nánari umfjöllun má nálgast í Kjarnanum í dag.