Allt rautt í Kauphöllinni í dag

Mikil lækkun var á hlutabréfum allra félaga í Kauphöllinni í dag. Úrvalsvísitalan lækkaði um 1,95 prósent og stendur nú í 1.193,69 stigum. Heildarvelta dagsins var 2.211 milljónir króna.

Mest var lækkunin á bréfum Haga sem lækkuðu um 2,87 prósent. Össur lækkaði um 2,67 prósent, Marel um 2,61 prósent, Reginn um 1,83 prósent, Vodafone um 1,74 prósent, VÍS um 1,7 prósent, Icelandair um 1,63 prósent, N1 um 1,59 prósent, TM um 1,51 prósent og Eimskip um 0,82 prósent.

Mesta velta dagsins var með hlutabréf Icelandair, eins og svo oft áður, en hún var 587 milljónir króna. Velta með Haga var 275 milljónir króna, velta með Marel var 222 milljónir, velta með N1 var 176 milljónir, TM 168 milljónir, VÍS 143 milljónir, Reginn 106 milljónir, Eimskip 89 milljónir, Vodafone 70 milljónir og Össur 31 milljón króna.