7,1 prósent atvinnuleysi í maí

Atvinnuleysi mældist 7,1 prósent í maímánuði í nýrri Vinnumarkaðsrannsókn Hagstofu Íslands. Samanburður mælinga í maí 2013 og 2014 sýnir að atvinnuþátttaka jókst um tvö prósentustig, hlutfall starfandi jókst um 2,2 prósentustig og hlutfall atvinnulausra minnkaði á sama tíma um 0,4 prósentustig.

Að sögn Hagstofu sýna fyrri mælingar að í maímánuði mælist atvinnuleysi tímabundið alltaf hæst. Munar þar mestu um að ungt fólk kemur í auknum mæli inn á vinnumarkaðinn í leit að sumarstörfum.

Í síðasta mánuði voru að jafnaði 195.400 manns á vinnumarkaði. Af þeim voru 171.600 starfandi og 13.800 án vinnu og í atvinnuleit. Atvinnuþátttaka mældist 85,4 prósent og hlutfall starfandi 79,4 prósent.