Metanráðstefna á Íslandi Kolbeinn Tumi Daðason skrifar 25. ágúst 2014 11:27 Ísland er eina Evrópulandið þar sem metan er notað beint af urðunarstað sem eldsneyti á ökutæki eftir að hafa farið í gegnum metan hreinsistöð SORPU í Álfsnesi. Miðvikudaginn 27. ágúst verður Norræna Biogas ráðstefnan sett í Reykjavík. Þetta er í fyrsta skipti sem ráðstefnan er haldin hér á landi en hana sækja margir af helstu alþjóðlegu sérfræðingum um lífrænt metan. Þetta kemur fram í fréttatilkynningu. Íslendingar hafa nokkra sérstöðu í framleiðslu og nýtingu á lífrænu metani því Ísland er eina Evrópulandið þar sem metangas er notað beint af urðunarstað sem eldsneyti á ökutæki. Þess má geta að með nýrri gas-og jarðgerðarstöð sem SORPA áformar að reisa í Álfsnesi á næstu misserum mun framleiðsla á lífrænu metani úr úrgangi tvöfaldast hér á landi að því er segir í tilkynningunni. Þetta verður jafnframt stærsta fjárfesting sem SORPA hefur ráðist í frá stofnun. Gert er ráð fyrir að á þriðja hundrað þátttakendur sæki ráðstefnuna að þessu sinni, alls staðar að úr heiminum. Ráðstefnan verður á Hilton Nordica hótelinu í Reykjavík og sér SORPA um skipulagningu hennar með erlendum samstarfsaðilum. Nordic Biogas ráðstefnan er stærsti vettvangurinn á Norðurlöndunum þar sem kynntar eru nýjustu rannsóknir og tækniframfarir við framleiðslu og notkun á lífrænu metani. Á ráðstefnunni er fjallað um flest allt sem viðkemur metani, svo sem ólíkum aðferðum við vinnslu og nýtingu lífræns metans, hráefni til gasgerðar, hreinsun á hauggasi, um notkun metans til rafmagns- eða varmaframleiðslu, fljótandi eða þjappað metan (LNG/CNG), notkun við land- og sjóflutninga auk þess sem notkun á aukaafurðum eins og meltuvökva og jarðvegsbæti eru einnig gerð skil. Umhverfisráðherra, Sigurður Ingi Jóhannsson mun opna ráðstefnuna með ávarpi kl. 10:30 á miðvikudagsmorgun. Meðal fyrirlesara á ráðstefnunni eru tveir íslenskir vísindamenn þeir Magnús Guðmundsson, fagstjóri hjá Nýsköpunarmiðstöð Íslands sem mun gera grein fyrir aðferðum sem notaðar hafa verið hér á landi til að örva metanframleiðslu og Guðmundur Ólafsson frá verkfræðistofunni Mannviti sem fjallar um framleiðslu á gæða metani úr urðunarstaðnum í Álfsnesi. Af öðrum fyrirlestrum sem fluttir verða á Nordic Biogas ráðstefnunni að þessu sinni má nefna að Panyamee Schakamol frá Tailandi mun greina frá rannsókn á notkun þörunga til framleiðslu metans. Henrik B. Möller frá Danmörku kynnir vinnslu á metani úr blöndu af mykju og grasi og David Baxter, frá rannsóknarstofnun EU (European Commission JRC) mun fjalla um þróun í framleiðslu metans í þeim löndum sem tilheyra alþjóða orkumálastofnuninni (IEA). Þá mun Jörgen Held frá Svíþjóð gera grein fyrir mismunandi uppruna og framleiðslu á metani. Í tengslum við ráðstefnuna verður sýning þar sem kynnt verða verkefni og ýmsar vörur sem tengjast nýtingu metans. Dagskrána á miðvikudaginn má sjá hér. Mest lesið „Krakkar sem gistu hjá okkur vissu ekki hvað var að gerast!“ Atvinnulíf Icelandair segir upp 57 flugmönnum Viðskipti innlent Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Hinn almenni borgari þurfi ekki að dæla í sig steinefnum Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur Leiðtogakulnun: Þegar yfirmaðurinn er alveg búinn á því Atvinnulíf „Sársaukafullt að sjá“ IKEA vasa dýrari í Góða hirðinum Neytendur Danir höndla ekki kóresku pakkanúðlurnar Viðskipti erlent Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira
Miðvikudaginn 27. ágúst verður Norræna Biogas ráðstefnan sett í Reykjavík. Þetta er í fyrsta skipti sem ráðstefnan er haldin hér á landi en hana sækja margir af helstu alþjóðlegu sérfræðingum um lífrænt metan. Þetta kemur fram í fréttatilkynningu. Íslendingar hafa nokkra sérstöðu í framleiðslu og nýtingu á lífrænu metani því Ísland er eina Evrópulandið þar sem metangas er notað beint af urðunarstað sem eldsneyti á ökutæki. Þess má geta að með nýrri gas-og jarðgerðarstöð sem SORPA áformar að reisa í Álfsnesi á næstu misserum mun framleiðsla á lífrænu metani úr úrgangi tvöfaldast hér á landi að því er segir í tilkynningunni. Þetta verður jafnframt stærsta fjárfesting sem SORPA hefur ráðist í frá stofnun. Gert er ráð fyrir að á þriðja hundrað þátttakendur sæki ráðstefnuna að þessu sinni, alls staðar að úr heiminum. Ráðstefnan verður á Hilton Nordica hótelinu í Reykjavík og sér SORPA um skipulagningu hennar með erlendum samstarfsaðilum. Nordic Biogas ráðstefnan er stærsti vettvangurinn á Norðurlöndunum þar sem kynntar eru nýjustu rannsóknir og tækniframfarir við framleiðslu og notkun á lífrænu metani. Á ráðstefnunni er fjallað um flest allt sem viðkemur metani, svo sem ólíkum aðferðum við vinnslu og nýtingu lífræns metans, hráefni til gasgerðar, hreinsun á hauggasi, um notkun metans til rafmagns- eða varmaframleiðslu, fljótandi eða þjappað metan (LNG/CNG), notkun við land- og sjóflutninga auk þess sem notkun á aukaafurðum eins og meltuvökva og jarðvegsbæti eru einnig gerð skil. Umhverfisráðherra, Sigurður Ingi Jóhannsson mun opna ráðstefnuna með ávarpi kl. 10:30 á miðvikudagsmorgun. Meðal fyrirlesara á ráðstefnunni eru tveir íslenskir vísindamenn þeir Magnús Guðmundsson, fagstjóri hjá Nýsköpunarmiðstöð Íslands sem mun gera grein fyrir aðferðum sem notaðar hafa verið hér á landi til að örva metanframleiðslu og Guðmundur Ólafsson frá verkfræðistofunni Mannviti sem fjallar um framleiðslu á gæða metani úr urðunarstaðnum í Álfsnesi. Af öðrum fyrirlestrum sem fluttir verða á Nordic Biogas ráðstefnunni að þessu sinni má nefna að Panyamee Schakamol frá Tailandi mun greina frá rannsókn á notkun þörunga til framleiðslu metans. Henrik B. Möller frá Danmörku kynnir vinnslu á metani úr blöndu af mykju og grasi og David Baxter, frá rannsóknarstofnun EU (European Commission JRC) mun fjalla um þróun í framleiðslu metans í þeim löndum sem tilheyra alþjóða orkumálastofnuninni (IEA). Þá mun Jörgen Held frá Svíþjóð gera grein fyrir mismunandi uppruna og framleiðslu á metani. Í tengslum við ráðstefnuna verður sýning þar sem kynnt verða verkefni og ýmsar vörur sem tengjast nýtingu metans. Dagskrána á miðvikudaginn má sjá hér.
Mest lesið „Krakkar sem gistu hjá okkur vissu ekki hvað var að gerast!“ Atvinnulíf Icelandair segir upp 57 flugmönnum Viðskipti innlent Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Hinn almenni borgari þurfi ekki að dæla í sig steinefnum Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur Leiðtogakulnun: Þegar yfirmaðurinn er alveg búinn á því Atvinnulíf „Sársaukafullt að sjá“ IKEA vasa dýrari í Góða hirðinum Neytendur Danir höndla ekki kóresku pakkanúðlurnar Viðskipti erlent Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira