Gengið frá endurfjármögnun Hafnarfjarðar

Gengið var í dag frá endurfjármögnun Hafnafjarðarbæjar með undirritun lánssamninga Íslandsbanka og sveitarfélagsins.

Þetta kemur fram í tilkynningu frá bankanum. Undirbúningur að endurfjármögnun sveitarfélagsins hefur staðið yfir undanfarin misseri. Eftir þessa endurfjármögnun verða erlendar skuldir óverulegar og gjaldeyrisáhætta því ekki lengur áhættuþáttur í rekstri sveitarfélagsins, auk þess sem greiðslubyrði lána sveitarfélagins lækkar.

„Við erum afar ánægð með að taka þátt í endurfjármögnun Hafnafjarðarbæjar ,“ segir Vilhelm Már Þorsteinsson, framkvæmastjóri fyrirtækjasviðs Íslandsbanka, í tilkynningunni. „Það er trú okkar að hún muni styrkja sveitarfélagið til framtíðar. Við hlökkum til aukins samstarfs við Hafnarfjarðarbæ en Íslandsbanki er vel í stakk búinn til að styðja við umsvifamikinn rekstur sveitarfélagsins.“