Framkvæmdastjóri hjá Wow air sagði upp

Linda Jóhannsdóttir, framkvæmdastjóri fjármálasviðs WOW air, hefur sagt upp störfum hjá flugfélaginu. Hún hafði starfað hjá félaginu frá árinu 2012.

„Ég hef starfað hjá WOW air frá upphafi ­rekstrar og þetta er búinn að vera krefjandi og skemmti­legur tími. Það er búið að vera mikið ævin­týri að stofna svona fyrirtæki og taka þátt í þessari uppbyggingu. Núna er góður tímapunktur fyrir mig að huga að nýjum tækifærum,“ segir Linda í tilkynningu.

Hún starfaði áður sem fjármálastjóri Baugs/Haga og framkvæmdastjóri sérvörusviðs Haga á ­árunum 1998-2004. Þar áður sem fjármálastjóri Heklu hf. 2004-2005. Linda var ­einnig eigandi og framkvæmdastjóri á Hótels Óðinsvé um fimm ára skeið frá 2005-2010.

Inga Birna Ragnarsdóttir, fyrr­verandi framkvæmdastjóri Wow air, lét af störfum í mars síðastliðnum.