Endurtekin brot Buy.is gagnvart iStore

Neytendastofa lagði 150 þúsund króna sekt á eiganda Buy.is fyrir ósanngjörn ummæli gagnvart iStore og eiganda hennar. Ummælin voru talin ómálefnaleg og til þess fallin að kasta rýrð á iStore og hafa þannig áhrif á ákvörðun neytenda um að hafa viðskipti.

Eigandi Buy.is var sektaður um 150 þúsund krónur fyrir ósanngjörn ummæli í garð iStore í október á síðasta ári. Því er um að ræða endurtekið brot. Þá var því meðal annars haldið fram af Buy.is að iStore væri „okurbúlla“.

Eigandi Buy.is kærði hina nýju ákvörðu Neytendastofu til áfrýjunarnefndar neytendamála og krafðist þess að sá hluti ákvörðunarinnar sem snéri að stjórnvaldssektinni yrði felldur úr gildi. Áfrýjunarnefndin féllst ekki á rök kæranda og staðfesti ákvörðun Neytendastofu.