Players meistaramótið hefst á morgun

Players meistaramótið hefst á morgun en þetta stórskemmtilega mót ert oft titlað sem fimmta „risamótið“ þar sem aðeins bestu kylfingar heims fá að taka þátt. Mótið fer fram á hinum magnaða TPC Sawgrass velli og er verðlaunafé með því stærsta sem þekkist en Tiger Woods fékk 1.8 milljónir dollara fyrir sigur sinn á mótinu í fyrra.

Hann er þó ekki með í ár þar sem hann er enn að jafna sig eftir skurðaðgerð á baki en fyrir utan hann eru öll stærstu nöfnin í golfheiminum skráð til leiks. Búið er að raða í holl fyrir fyrstu tvo dagana og þar ber helst að nefna að Rory McIlroy leikur með US Open meistaranum Justin Rose og Harry English en sá síðarnefndi hefur unnið tvö mót á PGA-mótaröðinni á tímabilinu.

Þá er Phil Mickelson í góðum félagsskap þeirra Dustin Johnson og Sergio Garcia fyrstu tvo dagana meðan að Masters meistarinn Bubba Watson spilar með Matt Kuchar og Jimmy Walker.

Mótið verður að sjálfsögðu í beinni útsendingu á Golfstöðinni og hefst útsending frá fyrsta hring klukkan 17:00 á morgun.