Hagnaður Össurar jókst um 8 prósent

Össur birti ársuppgjör sitt á þriðjudag þar sem fram kemur að hagnaður fyrirtækisins milli ára jókst um 8 prósent.

Hagnaðurinn nam 41 milljón Bandaríkjadala og 9 prósent af sölu, samanborið við 38 milljónir dala og 9 prósent af sölu 2012.

Jón Sigurðsson forstjóri segir síðasta ársfjórðung hafa verið mjög góðan. „Aðhaldsaðgerðirnar sem við hófum á öðrum ársfjórðungi hafa skilað tilætluðum árangri. Á árinu styrktum við stöðu okkar og gengum frá kaupum á þremur fyrirtækjum,“ segir Jón í tilkynningu.