Hafa keypt 40 mæla til að auka vöktun á styrk brennisteinsdíoxíðs

Á allra næstu dögum mun Umhverfisstofnun í samstarfi við Almannavarnadeild ríkislögreglustjóra auka stórlega vöktun á styrk brennisteinsdíoxíðs frá eldgosinu í Holuhrauni.

Fram kemur í tilkynningu frá Umhverfisstöfnum að keyptir hafa verið 40 mælar og verður mælingin í höndum þeirra sem starfa að almannavörnum á hverjum stað, s.s lögreglu.

Við kaup á mælum var lögð höfuðáhersla á að kaupa mæla sem auðveldlega mætti koma fyrir á sem flestum stöðum um land allt til að tryggja sem þéttast mælinet á sem stystum tíma og kosturinn við að hafa þá hreyfanlega auðveldar einnig viðbragðsteymum að bregðast skjótt við ófyrirséðum aðstæðum.

Vegna eldgossins í Holuhrauni hefur undanfarið verið unnið að því að þétta net mælitækja sem mæla brennisteinsdíoxíð.

Við venjubundnar aðstæður hefur hefur SO2 nær eingöngu verið mælt í nágrenni stóriðjufyrirtækja. Eftir að eldgosið hófst og mengun frá brennisteinsdíoxíði er orðin raunverulegt vandamál í byggð skapaðist þörf fyrir að þétta mælinetið verulega og gera það hratt.

Almannavarnaryfirvöld í samráði við Umhverfisstofnun óskuðu eftir því við Landvirkjun, Alcoa, Norðurál og Elkem að þessi fyrirtæki lánuðu hluta af sínum mælibúnaði til þessa verkefnis. Fyrirtækin brugðust mjög vel við þeim beiðnum og eru þeim færðar þakkir fyrir.

Þá hafa Landsvirkjun, HS Orka og Orkuveita Reykjavíkur breytt sínum mælum sem þessi fyrirtæki höfðu til að mæla H2S (brennisteinsvetni) á jarðhitasvæðum til að mæla einnig SO2.

Nettengdir mælar verða staðsettir á eftirtöldum stöðum:

1. Akureyri

2. Vogar við Mývatn

3. Grunnskólinn í Reykjahlíð

4. Eyvindartstaðir í Kelduhverfi

5. Vopnafjörður

6. Egilsstaðir

7. Hjallaleyra í Reyðarfirði

8. Ljósá í Reyðarfirði

9. Hólmar Í Reyðarfirði

10. Leirubakki í Landssveit

11. Hveragerði

12. Við Hellisheiðarvirkjun

13. Norðlingaholt í Reykjavík

14. Grensásvegur í Reykjavík

15. Færanleg stöð Reykjavíkurborgar

16. Dalsmári í Kópavogi

17. Hvaleyrarholt í Hafnarfirði

18. Grindavík

19. Gröf í Hvalfirði

20. Kríuvarða í Hvalfirði



Áætlanir gera ráð fyrir staðsetningu nýrra mæla á eftirtöldum stöðum og verður unnið í samstarfi við sveitastjórnir á hverjum stað:

1. Húsavík

2. Raufarhöfn

3. Þórshöfn

4. Bakkafjörður

5. Borgarfjörður-Eystri

6. Innst í Fljótsdal

7. Innst í Jökuldal

8. Seyðisfjörður

9. Neskaupsstaður

10. Fáskrúðsfjörður

11. Breiðdalsvík

12. Djúpivogur

13. Höfn

14. Skaftafell

15. Kirkjubæjarklaustur

16. Vík

17. Hvolsvöllur

18. Borgarnes

19. Uppsveitir Borgarfjarðar

20. Stykkishólmur

21. Ísafjörður

22. Hvammstangi

23. Sauðárkrókur