Minni velta á fasteignamarkaði

Alls 89 kaupsamningum var þinglýst á höfuðborgarsvæðinu á tímabilinu 1. ágúst til og með 7. ágúst 2014.

Heildarveltan var þá 2.950 milljónir króna samanborið við 4.337 milljónir í vikunni á undan. Veltan hefur ekki verið minni síðan í í síðustu viku janúarmánaðar á þessu ári.

Frá þessu er greint á vef Þjóðskrár Íslands. Þar segir einnig að fimm kaupsamningum hafi verið þinglýst á Suðurnesjum í fyrstu viku ágústmánaðar og að heildarveltan þar hafi verið um 66 milljónir. 15 kaupsamningum var þinglýst á Akureyri í 276 milljóna króna veltu.

Á Árborgarsvæðinu voru þinglýstir samningar samtals fjórir og heildarveltan 125 milljónir króna.