Bílar

Góð bílasala í Evrópu í október

Finnur Thorlacius skrifar
Þung umferð í Þýskalandi.
Þung umferð í Þýskalandi.
Bílasala í Evrópu jókst um 6% í síðasta mánuði og taldi 1,11 milljón bíla og er nú orðin 11,02 milljón bílar en var á sama tíma í fyrra 10,41 milljón. Eftirspurn jókst í svo til öllum löndum, en í Frakklandi minnkaði hún um 4%. Bílasala hefur nú vaxið í 14 mánuði í röð en 6 ár þar á undan var minnkun og er enn langt í land að bílasala nái þeim hæðum sem hún var í fyrir hrun.

Volkswagen bílasamstæðan jók söluna um 7%, en Volkswagen merkið sjálft um 5%. Seat jók söluna um 20%, Audi um 8% og Skoda um 3%. PSA/Peugeot-Citroën náði 1% vexti en Renault 10%. General Motors með merkin Opel og Vauxhall gekk vel og jók söluna um 11%. Fiat samstæðan náði 8% vexti og olli þar mestu 74% söluaukning í Jeep, en Fiat merkið jók þó söluna um 5%.

Toyota seldi 2% færri bíla, Honda 3% færri en Nissan náði 20% aukningu. Hyundai náði 10% vexti og Kia 4%. BMW seldi 10% fleiri bíla og átti 21% söluaukning á Mini bílum þar stóran þátt, en BMW merkið náði 7% aukningu. Mercedes Benz var með 9% aukningu en 52% minnkun var í sölu Smart bíla. Volvo auk hressilega við söluna og seldi 13% fleiri bíla. Jaguar varð að þola 13% minnkun en Land Rover náði 1% aukningu.

Það var því æði misjafnt gengið hjá einstökum bílaframleiðendum þó heildaraukningin hafi numið 6 prósentum.

Mest lesið




×

Mest lesið