Dómararnir í körfuboltanum eru alltof dýrir að mati félaganna Tómas Þór Þórðarson skrifar 2. júlí 2014 07:00 Jón Bender, formaður KKDÍ, fyrir miðju. Með honum á myndinni eru Björgvin Rúnarsson og Eggert Þór Aðalsteinsson. Vísir/Daníel „Dómararnir eru alltof dýrir. Það er varla til það lið sem kemur út í hagnaði eftir heimaleiki því það fara allar tekjur í dómarakostnað,“ segir Elvar Guðmundsson, formaður körfuknattleiksdeildar ÍR, við Fréttablaðið. Félögin í landinu vilja nú ólm lækka dómarakostnað, að því er virðist við litla hrifningu dómaranna sjálfra. Þessi mál voru rædd á formannafundi KKÍ á mánudagskvöldið en þar var formönnum félaganna greint frá því að fyrsta tilboði um 25 prósenta lækkun hafi verið hafnað af Körfuknattleiksdómarafélagi Íslands. Fréttablaðið ræddi við nokkra formenn úrvalsdeildarliða í gær og voru allir sammála um að laun dómara fyrir leiki í efstu deild væru sanngjörn. Dómari sem dæmir leik í efstu deild fær 13.900 krónur fyrir frá viðkomandi félagi. Aftur á móti eru það aksturs- og fæðispeningar sem snarhækka launin.Með öndina í hálsinum Dómari sem ekur frá Reykjavík til Reykjanesbæjar til að dæma leik í Dominos-deild karla fær rétt tæpar 30.000 krónur í sinn hlut. Komi tveir af þremur dómurum tríósins þetta langt að, og það sama á við um dómara utan af landi sem dæma í bænum, getur dómarakostnaður hlaupið á 70-100 þúsund krónum fyrir heimaliðið. „Það er mjög sjaldan sem tekjur af heimaleikjum ná upp í dómarakostnað. Ég hef rætt þetta við marga formenn og þeir eru á sama máli. Gjaldkerinn er alltaf með öndina í hálsinum fyrir hvern leik – vonandi að dómararnir komi frá Reykjavík. Ef einn kemur frá Njarðvík og annar úr Borgarnesi kostar þetta um 70-80 þúsund krónur. Þetta er alltof mikið. Það eru allir sammála því. Það er leiðinlegt að koma alltaf út í mínus,“ segir Elvar Guðmundsson.Eru okkar starfsmenn Gunnar Svanlaugsson, formaður körfuknattleiksdeildar Snæfells, er á sama máli og hinir formennirnir. „Við berum fulla virðingu fyrir dómurunum. Þeir eru að vinna gríðarlega gott starf. Launin sjálf eru ekkert of há en það þarf að lækka þessa aksturs- og fæðispeninga sem er auðvitað bara falinn kostnaður. Ef við eigum að geta haldið hér úti tveimur liðum verðum við að ná þessum þáttum niður,“ segir Gunnar við Fréttablaðið, en dómarakostnaður hjá Snæfelli er um 100 þúsund krónur á leik hjá Snæfelli og aldrei næst upp í það með tekjum af heimaleikjum. Ekki fyrr en komið er út í úrslitakeppni. „Ég get farið með kvennaliðið á ágætis hótel og borgað svipaðan pening og kostar mig að fæða þrjá dómara. Ef við eigum að nenna að standa í þessu í þessari sjálfboðaliðahreyfingu verðum við að ná þessari tölu niður. Það má ekki gleyma því að þetta eru starfsmenn okkar – starfsmenn leiksins,“ segir Gunnar.Engin svör Fréttablaðið hafði samband við Jón Bender, körfuknattleiksdómara og formann Körfuknattleiksdómarafélagsins. Hann vildi ekkert ræða málin, ólíkt öllum öðrum í hreyfingunni. Aðspurður hver afstaða dómara væri til beiðni félaganna um að lækka kostnaðinn sagði Jón: „Við eigum í samningsviðræðum og þær ganga vel.“ Þegar blaðamaður bar undir hann orð formannanna og spurði hvort viðræður gengju virkilega vel í ljósi þess að fyrsta tilboði hefði verið hafnað var svarið það sama. Það var reyndar það sama við hverri einustu spurningu. Áhuginn á að ræða málið var enginn. Gunnari Svanlaugssyni hjá Snæfelli komu þessi viðbrögð ekkert á óvart. „Upplifun þeirra sem fóru á þennan fyrsta fund var svipuð. Þetta var ekki þægilegur fundur. Við hljótum að geta verið kurteis hvert við annað og geta talað saman eins og fólk,“ segir hann. Dominos-deild karla Mest lesið Uppgjör: England - Ísland 0-1 | Strákarnir okkar með frækinn sigur á Wembley Fótbolti Erika Nótt heldur leyndarmálinu þétt að sér fyrir kvöldið stóra Sport Stór fáni af Pétri dreginn upp í Stokkhólmi: „Farið til helvítis“ Fótbolti „Ísland var gríðarlega óheppið í umspilinu“ Fótbolti Friðrik tekur við keflinu í Keflavík Körfubolti „Veit hvernig börnin mín myndu vilja fá svona fréttir“ Fótbolti „Af hverju er ekki peningur í HK? Það er allt fullt af milljónamæringum þarna í kring“ Íslenski boltinn Sækja um leyfi fyrir einum leik í Grindavík Fótbolti Sorg í Lundúnum og öllum fullkomlega sama um Ísland Fótbolti Daníel þremur sentímetrum frá því að komast í úrslit á EM Sport Fleiri fréttir Elvar Már áfram í Grikklandi en fer í nýtt félag Friðrik tekur við keflinu í Keflavík Jóhann Árni til Hattar Grindvíkingar sækja Bandaríkjamann norður og Mortensen framlengir Boston tók forystuna í úrslitunum með öruggum sigri Porzingis klár í kvöld og spenntur fyrir úrslitaeinvígi gegn gömlu félögunum Martin ekki meira með á tímabilinu en Alba Berlin komst í úrslit Valur byrjað að styrkja sig fyrir næstu leiktíð Lakers vill fá tvöfaldan háskólameistara sem þjálfara Ein leið til að verjast Kyrie Irving: „Biðja“ Skyggnst bak við tjöldin á Stöð 2 Sport: Rafmagnið sló út í úrslitaeinvígi Subway deildarinnar „Verð að prófa þessa geðveiki áður en ég hætti“ Spilaði í NBA en mun nú keppa í strandblaki á Ólympíuleikunum Magnaður Martin þegar Alba Berlín tryggði sér oddaleik Tröllvaxinn tólf ára leikmaður nýjasta undrabarn Barcelona Carmelo Anthony uppfyllir drauma sína um að eiga körfuboltalið Lögmál leiksins: Who he play for? Hræðilegur endir hjá Martin og félögum og útlitið svart Charles Barkley og fleiri hneyksluð yfir ljótum brotum á Caitlin Clark Sama sorglega lausnin og vanalega: Drögum kvennaliðið úr keppni Fotis og Nat-vélin saman undir körfunni hjá Hamri næsta vetur Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Sjá meira
„Dómararnir eru alltof dýrir. Það er varla til það lið sem kemur út í hagnaði eftir heimaleiki því það fara allar tekjur í dómarakostnað,“ segir Elvar Guðmundsson, formaður körfuknattleiksdeildar ÍR, við Fréttablaðið. Félögin í landinu vilja nú ólm lækka dómarakostnað, að því er virðist við litla hrifningu dómaranna sjálfra. Þessi mál voru rædd á formannafundi KKÍ á mánudagskvöldið en þar var formönnum félaganna greint frá því að fyrsta tilboði um 25 prósenta lækkun hafi verið hafnað af Körfuknattleiksdómarafélagi Íslands. Fréttablaðið ræddi við nokkra formenn úrvalsdeildarliða í gær og voru allir sammála um að laun dómara fyrir leiki í efstu deild væru sanngjörn. Dómari sem dæmir leik í efstu deild fær 13.900 krónur fyrir frá viðkomandi félagi. Aftur á móti eru það aksturs- og fæðispeningar sem snarhækka launin.Með öndina í hálsinum Dómari sem ekur frá Reykjavík til Reykjanesbæjar til að dæma leik í Dominos-deild karla fær rétt tæpar 30.000 krónur í sinn hlut. Komi tveir af þremur dómurum tríósins þetta langt að, og það sama á við um dómara utan af landi sem dæma í bænum, getur dómarakostnaður hlaupið á 70-100 þúsund krónum fyrir heimaliðið. „Það er mjög sjaldan sem tekjur af heimaleikjum ná upp í dómarakostnað. Ég hef rætt þetta við marga formenn og þeir eru á sama máli. Gjaldkerinn er alltaf með öndina í hálsinum fyrir hvern leik – vonandi að dómararnir komi frá Reykjavík. Ef einn kemur frá Njarðvík og annar úr Borgarnesi kostar þetta um 70-80 þúsund krónur. Þetta er alltof mikið. Það eru allir sammála því. Það er leiðinlegt að koma alltaf út í mínus,“ segir Elvar Guðmundsson.Eru okkar starfsmenn Gunnar Svanlaugsson, formaður körfuknattleiksdeildar Snæfells, er á sama máli og hinir formennirnir. „Við berum fulla virðingu fyrir dómurunum. Þeir eru að vinna gríðarlega gott starf. Launin sjálf eru ekkert of há en það þarf að lækka þessa aksturs- og fæðispeninga sem er auðvitað bara falinn kostnaður. Ef við eigum að geta haldið hér úti tveimur liðum verðum við að ná þessum þáttum niður,“ segir Gunnar við Fréttablaðið, en dómarakostnaður hjá Snæfelli er um 100 þúsund krónur á leik hjá Snæfelli og aldrei næst upp í það með tekjum af heimaleikjum. Ekki fyrr en komið er út í úrslitakeppni. „Ég get farið með kvennaliðið á ágætis hótel og borgað svipaðan pening og kostar mig að fæða þrjá dómara. Ef við eigum að nenna að standa í þessu í þessari sjálfboðaliðahreyfingu verðum við að ná þessari tölu niður. Það má ekki gleyma því að þetta eru starfsmenn okkar – starfsmenn leiksins,“ segir Gunnar.Engin svör Fréttablaðið hafði samband við Jón Bender, körfuknattleiksdómara og formann Körfuknattleiksdómarafélagsins. Hann vildi ekkert ræða málin, ólíkt öllum öðrum í hreyfingunni. Aðspurður hver afstaða dómara væri til beiðni félaganna um að lækka kostnaðinn sagði Jón: „Við eigum í samningsviðræðum og þær ganga vel.“ Þegar blaðamaður bar undir hann orð formannanna og spurði hvort viðræður gengju virkilega vel í ljósi þess að fyrsta tilboði hefði verið hafnað var svarið það sama. Það var reyndar það sama við hverri einustu spurningu. Áhuginn á að ræða málið var enginn. Gunnari Svanlaugssyni hjá Snæfelli komu þessi viðbrögð ekkert á óvart. „Upplifun þeirra sem fóru á þennan fyrsta fund var svipuð. Þetta var ekki þægilegur fundur. Við hljótum að geta verið kurteis hvert við annað og geta talað saman eins og fólk,“ segir hann.
Dominos-deild karla Mest lesið Uppgjör: England - Ísland 0-1 | Strákarnir okkar með frækinn sigur á Wembley Fótbolti Erika Nótt heldur leyndarmálinu þétt að sér fyrir kvöldið stóra Sport Stór fáni af Pétri dreginn upp í Stokkhólmi: „Farið til helvítis“ Fótbolti „Ísland var gríðarlega óheppið í umspilinu“ Fótbolti Friðrik tekur við keflinu í Keflavík Körfubolti „Veit hvernig börnin mín myndu vilja fá svona fréttir“ Fótbolti „Af hverju er ekki peningur í HK? Það er allt fullt af milljónamæringum þarna í kring“ Íslenski boltinn Sækja um leyfi fyrir einum leik í Grindavík Fótbolti Sorg í Lundúnum og öllum fullkomlega sama um Ísland Fótbolti Daníel þremur sentímetrum frá því að komast í úrslit á EM Sport Fleiri fréttir Elvar Már áfram í Grikklandi en fer í nýtt félag Friðrik tekur við keflinu í Keflavík Jóhann Árni til Hattar Grindvíkingar sækja Bandaríkjamann norður og Mortensen framlengir Boston tók forystuna í úrslitunum með öruggum sigri Porzingis klár í kvöld og spenntur fyrir úrslitaeinvígi gegn gömlu félögunum Martin ekki meira með á tímabilinu en Alba Berlin komst í úrslit Valur byrjað að styrkja sig fyrir næstu leiktíð Lakers vill fá tvöfaldan háskólameistara sem þjálfara Ein leið til að verjast Kyrie Irving: „Biðja“ Skyggnst bak við tjöldin á Stöð 2 Sport: Rafmagnið sló út í úrslitaeinvígi Subway deildarinnar „Verð að prófa þessa geðveiki áður en ég hætti“ Spilaði í NBA en mun nú keppa í strandblaki á Ólympíuleikunum Magnaður Martin þegar Alba Berlín tryggði sér oddaleik Tröllvaxinn tólf ára leikmaður nýjasta undrabarn Barcelona Carmelo Anthony uppfyllir drauma sína um að eiga körfuboltalið Lögmál leiksins: Who he play for? Hræðilegur endir hjá Martin og félögum og útlitið svart Charles Barkley og fleiri hneyksluð yfir ljótum brotum á Caitlin Clark Sama sorglega lausnin og vanalega: Drögum kvennaliðið úr keppni Fotis og Nat-vélin saman undir körfunni hjá Hamri næsta vetur Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Sjá meira
„Af hverju er ekki peningur í HK? Það er allt fullt af milljónamæringum þarna í kring“ Íslenski boltinn
„Af hverju er ekki peningur í HK? Það er allt fullt af milljónamæringum þarna í kring“ Íslenski boltinn