12 milljónir króna til kynningar á höfuðstólslækkun

Heildarkostnaður vegna gerðar og birtingar kynningarefnis um höfuðstólslækkun fasteignalána er áætlaður 12 milljónir króna. Þetta kemur fram í svari fjármála- og efnahagsráðuneytisins við fyrirspurn fréttastofu.

Í svari ráðuneytisins kemur fram að fyrri hluta kynningar á á aðgerðum til lækkunar höfuðstóls húsnæðislána er lokið, en hann miðaði að því að kynna fólki réttindi þess og hvernig eigi að sækja um. Seinni hluti kynningar hefst í ágúst, en þar verður markmiðið að minna fólk á að umsóknarfrestur rennur út 1. september.  

Heildarkostnaður vegna gerðar og birtingar kynningarefnis er áætlaður um 12 milljónir króna. Ekki liggur fyrir á þessari stundu nákvæm sundurliðun á birtingum en kostnaður er innan áætlunar.