Hagnaður Landsbankans 14,9 milljarðar á fyrri hluta ársins

Hagnaður Landsbankans á fyrri helmingi ársins nemur 14,9 milljörðum króna eftir skatta, samanborið við 15 komma fimm milljarða á sama tíma í fyrra. Bankastjóri Landsbankans vill ekki spá fyrir um hver endanlegur hagnaður fyrr árið 2014 verður.

Margt er líkt með afkomutölunum sem voru kynntar í dag fyrir fyrra hluta ársins, 2014 og tölunum frá 2013. Þjónustutekjur og rekstarkostnaður er nánast sá sami og í fyrra en vaxtatekjur lækka um 10 prósent frá fyrra ári. Hreinar vaxtatekjur námu 15,2 milljörðum króna en voru tæplega 17 milljarðar í fyrra.



„Það hefur verið góður gangur það sem af er ári. Við sjáum að eftirspurn er að vaxa og útlán eru að aukast. Bankinn stendur með ágætum og er í góðri stöðu til að mæta þessari eftirspurn,“ segir Steinþór Pálsson, bankastjóri Landsbankans.

Eigið fé bankans nam í lok júní, tæpum 236 milljörðum króna og hefur það lækkað um  2,3% frá áramótum. Helsta skýringin á lækkuninni er sú að bankinn greiddi eigendum sínum 20 milljarða króna í arð á fyrsta ársfjórðungi. Þá hefur bankinn þegar greitt 7 milljarða í skatt.

„Það gengur vel núna og það er eðlilegt að eigandi sem er að mestu leyti ríkissjóður, njóti góðs af því þegar vel gengur. Bankinn er mikið eigið fé, sterka lausafjárstöðu, góðan hagnað og þá er eðlilegt að greiða arð.“

Hagnaður Landsbankans á síðasta ári nam tæpum 29 milljörðum. Má reikna með svipuðum tölum þegar þetta ár verður gert upp?

„Ég ætla ekki að tjá mig um það. Það er góður gangur og okkur sýnist að horfurnar séu bara ágætar út árið,“ segir Steinþór.